ᤌᤠᤔᤡᤱ:
ᤏᤡ᤺ᤛᤢᤶ:
ᤁᤴ ᤁᤧᤛᤠᤵᤐᤠ ᤀᤡᤋ᤻ᤇᤠᤵᤐᤠᤜᤠ᤹ᤖᤧᤴ ᤔᤡᤱ ᤒᤡ.ᤒᤡ. ᤛᤢᤓᤠ (ᤔᤢᤖᤡᤱᤗᤠ ᤏᤢᤃᤥ) ᤏᤢ ᤐᤡ.ᤀᤧᤛ᤻. ᤛᤢᤓᤠ॥ ᤁᤴ ᤌᤠᤔᤡᤱᤅᤡᤴ ᤕᤠᤰᤌᤢᤱ ᤛᤠᤵᤙᤰ ᤛᤠᤵᤔᤢᤴᤎᤢᤶᤗᤠᤶ ᤔᤧᤖᤋ᤻ᤋᤢᤒᤠ ᤖᤥ॥ ᤁᤵᤔᤥ ᤀᤠᤏᤡ᤹ ᤌᤣᤎᤣ ᤀᤠᤏᤡᤖᤢᤶᤓᤧᤸᤗᤧ ᤕᤠᤰᤌᤢᤱ ᤛᤠᤵᤙᤰᤁᤡᤴ ᤀᤠᤰᤁᤣᤖᤡᤰ ᤁᤢᤒᤥᤅ᤻ ᤐᤥᤁ᤻ᤂᤧ. ᤜᤠ-ᤜᤠᤋ᤻ᤇᤡᤖᤧᤴ ᤕᤧᤶᤔᤧᤸᤗᤢᤱᤒᤠ ᤗᤰᤑᤠ ᤔᤧᤃᤳᤋᤢᤀᤠᤱ ᤔᤧᤘᤠ᤹. ᤀᤠᤰᤁᤣ-ᤀᤠᤰᤁᤣᤒᤠ ᤛᤠᤵᤔᤢᤴᤎᤢᤶ ᤆᤡᤱᤛᤡᤴᤏᤠᤱ ᤘᤠ᤹. ᤀᤠᤰᤂᤧᤴ ᤐᤖᤡᤰᤐᤠ ᤀᤣ᤹ᤀᤣ ᤙᤰᤛᤠ ᤔᤧᤘᤕᤧ ᤏᤢ ᤂᤧᤶᤓᤧᤸᤗᤧ ᤀᤠᤰᤁᤣᤖᤡᤰ ᤔᤧᤏᤡ᤺ᤖᤢᤀᤠᤱ ᤔᤧᤛᤠᤵᤋᤢᤖ ᤔᤧᤘᤕᤧ॥
ᤀᤢᤏᤠ ᤕᤠᤰᤌᤢᤱ ᤛᤠᤵᤙᤰ ᤛᤠᤵᤔᤢᤴᤎᤡᤶ ᤔᤧᤵᤏᤠᤒᤧᤴ ᤌᤣᤒᤣ᥅
ᤕᤖᤡᤰ ᤋᤱᤒᤣ ᤋᤃᤡᤒᤠ ᤕᤠᤰᤌᤢᤱ ᤛᤠᤵᤙᤰᤖᤧᤴ ᤋᤠᤈᤡᤒᤠ ᤂᤧᤍᤠ᤹ ᤂᤧᤴ ᤀᤠᤰᤁᤣᤖᤡᤰ ᤕᤠᤰᤌᤢᤱ ᤙᤰᤙᤰᤜᤠ᤹ ᤔᤧᤈᤥᤃᤢᤀᤠᤱ ᤕᤠᤰᤌᤢᤱᤛᤠᤜᤠ᤹ ᤔᤧᤜᤢ᤹ᤖᤢᤀᤠᤱ ᤔᤧᤘᤕᤧ॥ ᤂᤧᤶᤓᤧᤸᤗᤧ ᤀᤤᤴ ᤜᤧᤰᤁᤣ ᤏᤡᤐ᤻ᤔᤠ-ᤛᤠᤵᤔᤧᤵᤔᤥ ᤏᤥᤖᤡᤰᤁᤠᤱ ᤌᤥᤒᤥ ᤔᤧᤶᤒᤥᤁ᤻ᤂᤧ ᤘᤕᤧ॥ ᤙᤡᤖᤡᤈᤱᤃᤠᤜᤠᤱᤅᤡᤸᤗᤧ ᤏᤡᤛᤠᤶᤔᤠᤱᤗᤧᤴ ᤁᤢᤓᤠ ᤂ᤺ᤥᤛᤢᤀᤠᤱ ᤕᤠᤰᤌᤢᤱ ᤙᤰᤙᤰ ᤆᤥᤃᤢᤗᤋ᤻ᤋᤢ ᤁᤧᤖ᤹ᤒᤠ ᤔᤢᤴᤎᤢᤶᤔᤡᤒᤠ ᤂᤧᤍᤠ᤹ ᤂᤥᤔᤧᤍᤧᤳ॥
ᤌᤠ᤹ᤗᤠ ᤌᤡᤰ (Para 1)
ᤁᤧᤎᤢᤶᤒᤠ ᤛᤢᤳᤗᤠᤜᤠ᤹:
ᤀᤢᤏᤠᤜᤢᤖᤡ: ancient time
ᤛᤡᤰᤛᤠᤵ: oral tradition
ᤌᤢᤱᤛᤠᤵ: oral religious scriptures
ᤏᤡᤛᤠᤶᤔᤠᤱ: Goddess of knowledge
ᤛᤠᤶᤈᤡᤰ ᤔᤢᤴᤎᤢᤶ: philosophy, spiritual knowledge
ᤂᤠᤩᤶ: entire, whole
ᤑᤧᤈᤡᤖᤡ ᤑᤧᤍᤠᤱᤔᤠ: a chief Limbu priest who is well versed in oral traditions or scriptures.
ᤀᤡᤵᤗᤡᤱᤜᤠᤱ ᤛᤠᤶᤒᤠ: a Limbu priest who performs the religious rituals by dancing and telling the stories of creation and evaluation of the universe and mankind.
ᤕᤧᤜᤡᤸᤗᤡ ᤕᤧᤒᤠ: an expert Limbu priest who is well versed in mundhum, controls the evil spirits of accidental deaths.
ᤛᤠᤶᤗᤥᤛᤠᤶᤒᤠ: lyricist
ᤀᤡᤰᤗᤠᤍᤠᤱᤒᤠ: an owner of voice or sound
ᤋᤢᤶᤕᤠᤜᤠᤱᤜᤠ᤹: knowledgeable and experienced persons, especially, older people
ᤌᤠᤁ᤻ᤁᤢᤎᤠᤁ᤻: genealogy
ᤆᤰᤁᤢᤈᤰ: series
ᤔᤢᤰᤔᤢᤖᤠ: oral incantation or mythological stories carried out for many generations.
ᤛᤠᤵᤔᤢᤴᤎᤢᤶᤍᤠᤱᤒᤠ: historian
ᤙᤥᤎᤢᤱᤃᤧᤴ: honourable
ᤏᤡᤖᤠᤋ᤻ᤋᤡᤜᤠ᤹: an ethnic group people of the Eastern Himalayan region of Nepal and North East India, especially, Sikkim, Darjeeling and Kalimpong.
ᤔᤡᤱᤙᤠᤪᤒᤠ᤺: entitled (here)
ᤛᤠᤵᤗᤠ: paper or book
ᤛᤧ᤺ᤔᤠ: to spread, distribute
ᤑᤧ᤺ᤔᤠ: to spread, to make publications of something
ᤔᤢᤀᤡᤃᤢᤶ: full of wisdom, intelligence, knowledgeable
ᤍᤣᤘ᤻ᤏᤠᤃᤖᤡ: script used by many languages like Nepali, Hindi, Sanskrit, etc.
ᤏᤠᤈᤡᤖᤡ: English year
ᤌᤢᤵᤐᤧᤳ: printing
ᤛᤡᤜᤢᤵ:
ᤀᤤᤴᤏᤢ ᤕᤖᤡᤰ ᤋᤱᤃᤵᤛᤡᤱ ᤋᤃᤡᤒᤠ ᤕᤧᤶᤔᤡᤸᤗᤧ ᤀᤠᤏᤡ᤹ᤃᤧ ᤕᤠᤰᤌᤧᤒᤠ-ᤕᤢᤔᤠ. ᤑᤧᤈᤡᤖᤡ ᤑᤧᤍᤠᤱᤔᤠ. ᤛᤠᤶᤒᤠ. ᤕᤧᤒᤠ ᤏᤢ ᤋᤢᤶᤕᤠᤜᤠᤱᤜᤠ᤹ᤖᤧ ᤌᤠᤁ᤻ᤁᤢᤎᤠᤁ᤻ ᤔᤢᤰᤔᤢᤖᤠᤀᤥ ᤔᤧᤒᤠᤋ᤻ᤋᤢᤖ ᤔᤧᤕᤢ᤺ᤖᤢᤒᤠ ᤋᤠᤃᤧᤖᤠ ᤏᤡᤱᤘᤠ᤹ᤑᤢᤔᤠᤱᤗᤧᤴ ᤛᤡᤰᤛᤠᤵ ᤏᤢ ᤌᤢᤱᤛᤠᤵᤐᤠ ᤐᤠᤏ᤻ᤜᤠ᤹ ᤕᤠᤰᤌᤢᤱ ᤛᤢᤘᤠᤱᤖᤧᤴ ᤛᤠᤶᤈᤡᤰ ᤔᤢᤴᤎᤢᤶ ᤐᤥᤁ᤻ᤂᤧ॥ ᤁᤴ ᤔᤢᤴᤎᤢᤶᤔᤡᤴ ᤛᤠᤶᤔᤢᤴᤎᤢᤶᤍᤠᤱᤒᤠ ᤐᤪᤣᤔ᤻ ᤒᤜᤠᤍᤢᤖ᤻ ᤔᤠᤒᤥᤜᤠᤱᤗᤧ ᤋᤃᤡ ᤕᤠᤰᤌᤢᤱ ᤁᤡᤖᤠᤋ᤻ᤋᤡᤜᤠ᤹ᤖᤧᤴ 'ᤛᤠᤶᤒᤛᤠᤶᤛ ᤁᤧᤖ᤹ᤒᤠ ᤛᤠᤵᤗᤠᤀᤜ ᤛᤠᤵᤋᤢᤀᤠᤱ ᤘᤕᤧ ᤏᤢ ᤀᤣᤃᤠᤱ 'ᤏᤧᤵᤐᤠᤗ᤻ᤁᤥ ᤀᤡᤋ᤻ᤋᤡᤜᤠᤛ᤻' ᤔᤧᤵᤏᤠᤒᤠ ᤛᤠᤵᤐᤴᤏᤥ ᤌᤢᤵᤐᤧᤳ ᤆᤥᤃᤢᤀᤠᤱ ᤘᤕᤧ॥
ᤁᤖ ᤂᤧᤴ ᤌᤠᤁ᤻ᤁᤢᤎᤠᤁ᤻ ᤔᤢᤰᤔᤢᤖᤠᤀᤥ ᤔᤧᤒᤠᤋ᤻ᤋᤢ ᤔᤧᤕᤢ᤺ᤖᤢᤒᤠ ᤛᤠᤶᤈᤡᤰ ᤔᤢᤴᤎᤢᤶᤜᤠ᤹ ᤀᤢᤏᤠᤜᤢᤖᤡᤒᤠ᤺ ᤕᤠᤰᤌᤢᤱ ᤙᤰᤙᤰᤗᤧᤴ ᤐᤠᤏ᤻ᤜᤠ᤹ ᤌᤢᤵᤐᤧᤳ. ᤛᤧ᤺ᤔᤠ-ᤑᤧ᤺ᤔᤠ ᤔᤧᤶᤒᤥᤁ᤻ᤂᤧᤀᤠᤱ ᤔᤧᤘᤕᤧ॥
ᤀᤣᤃᤠᤱ ᤏᤠᤈᤡᤖᤡ ᤋᤱᤒᤣ ᥇᥏᥌᥇ᤜᤧᤵᤔᤥ ᤕᤠᤰᤌᤢᤱᤒᤠ ᤛᤠᤶᤏᤡᤒᤠ ᤀᤡᤔᤠᤏ᤻ᤛᤡᤱ ᤆᤧᤔ᤻ᤈᤱᤗᤧ 'ᤍᤣᤘ᤻ᤏᤠᤃᤖ' ᤙᤰᤙᤰ ᤀᤥᤃᤵᤋᤢᤀᤠᤱ ᤏᤧᤵᤐᤠᤗ᤻ᤗᤡ ᤐᤠᤏ᤻ᤏᤥ 'ᤁᤡᤖᤠᤋ᤻ ᤔᤢᤴᤎᤢᤶ' ᤔᤡᤱᤒᤠ ᤕᤠᤰᤌᤢᤱ ᤛᤠᤵᤐᤴ ᤌᤡᤰ ᤌᤢᤵᤐᤧᤳ ᤆᤥᤃᤢᤗᤋ᤻ᤋᤢ॥
ᤜᤢᤛᤡᤱ:-
᥇. ᤀᤢᤏᤠ ᤕᤠᤰᤌᤢᤱ ᤛᤠᤵᤙᤰ ᤛᤠᤵᤔᤢᤴᤎᤢᤶ ᤐᤠᤐ᤻ᤔᤧᤸᤗᤧ ᤌᤣ ᤁᤢᤛᤡᤱ ᤏᤡᤐ᤻ᤔᤠ ᤁᤧᤛᤢᤰᤋᤢᤒᤣ᥅
᥈. ᤑᤧᤈᤡᤖᤡ ᤑᤧᤍᤠᤱᤔᤠ. ᤀᤡᤵᤗᤡᤱᤜᤠᤱ ᤛᤠᤶᤒᤠ ᤏᤢ ᤕᤧᤜᤡᤸᤗᤡ ᤕᤧᤒᤠᤜᤠ᤹ᤖᤧᤴ ᤌᤣᤒᤣ ᤁᤢᤛᤧᤴ ᤔᤧᤘᤠ᤹ᤒᤣ᥅
᥉. ᤕᤠᤰᤌᤢᤱ ᤛᤢᤘᤠᤱᤜᤠ᤹ᤖᤧᤴ ᤛᤠᤶᤈᤡᤰ ᤔᤢᤴᤎᤢᤶᤔᤡᤴ ᤀᤠᤰᤁᤣᤖᤡᤰ ᤐᤥᤁ᤻ᤂᤧ ᤗᤏ᤻ᤍᤧᤒᤣ᥅
᥊. ᤐᤪᤣᤔ᤻ ᤒᤜᤠᤍᤢᤖ᤻ ᤔᤠᤒᤥᤜᤠᤱ ᤜᤠᤋ᤻ ᤘᤕᤧ ᤏᤢ ᤕᤠᤰᤌᤢᤱ ᤛᤠᤵᤙᤰ ᤋᤠᤱᤛᤧᤐ᤻ ᤆᤥᤁ᤻ᤔᤧᤵᤔᤥ ᤀᤠᤰᤁᤣᤒᤠ ᤗᤰᤑᤠ ᤁᤳᤋᤢᤀᤠᤱ ᤘᤠ᤹ᤒᤣ᥅
᥋. 'ᤁᤡᤖᤠᤋ᤻ ᤔᤢᤴᤎᤢᤶ' ᤛᤠᤵᤐᤴᤏᤡᤴ ᤀᤠᤵᤑᤠᤗ᤻ᤗᤧ ᤏᤢ ᤜᤠᤋ᤻ᤗᤧ ᤌᤢᤵᤐᤧᤳ ᤆᤥᤃᤢᤗᤋ᤻ᤋᤢᤒᤣ᥅
᥌. ᤐᤧᤴᤇᤡᤱ ᤁᤠᤶᤛᤢᤛᤧ᤹:-
ᤌᤢᤱᤛᤠᤵ. ᤌᤠᤁ᤻ᤁᤢᤎᤠᤁ᤻. ᤛᤠᤵᤔᤢᤴᤎᤢᤶᤍᤠᤱᤒᤠ. ᤔᤢᤀᤡᤃᤢᤶ॥
ᤌᤠ᤹ᤗᤠ ᤏᤧᤳᤇᤡ (Para 2)
ᤁᤧᤎᤢᤶᤒᤠ ᤛᤢᤳᤗᤠᤜᤠ᤹
ᤑᤠᤱᤛᤡᤃᤣᤁ᤻: 9th (ninth)
ᤁᤡᤵ: hundred
ᤋᤱᤃᤵ: year
ᤏᤢᤵᤑᤠᤪ: horizon
ᤋᤣᤔᤧᤴ: India
ᤁᤏᤦᤈ᤻: Kannuaj is a city of Uttar Pradesh, India
ᤐᤠᤱᤕᤁ᤻: City
ᤔᤧᤴᤍᤱᤍᤱ: excessive, a lot of.
ᤀᤡᤅᤧ: being famous (here)
ᤐᤠᤗ᤻ ᤐᤪᤋᤡᤜᤠᤖᤡ ᤏᤢ ᤖᤠᤛ᤻ᤋᤪᤁᤢᤋ᤻: Pal Pratihar and Rashtrakuta were the empires who ruled over Kannuaj.
ᤀᤣ᤹ᤀᤣ: different, separate
ᤀᤡᤋ᤻: dynasty
ᤌᤠᤱᤃᤧᤳ: north
ᤜᤢᤵᤁᤠᤵ: capture, colonize
ᤛᤢᤷᤕ ᤀᤡᤋ᤻: Surya dynasty was an empire who ruled Nepal and succeeded by Karnat dynasty.
ᤁᤷᤏᤠᤋ᤻ ᤀᤡᤋ᤻: Karnat dynasty was a Maithil dynasty, ruled Nepal and Bihar state of India.
ᤔᤧᤏᤠᤏ᤻ᤍᤢ: succeeded, defeated
ᤜᤠᤱᤈᤢᤶ: government
ᤗᤡᤶᤒᤢᤘᤠᤏ᤻: Limbuwan is a part of Nepal, historically made of ten Limbu Kingdoms.
ᤂᤧᤶᤓᤧᤸᤗᤧ: at that time, then
ᤁᤢᤓᤠ: some, a few, somebody
ᤛᤍᤣ-ᤛᤍᤣ: always
ᤜᤠᤱᤜᤠᤱᤘᤠ: happiness, pleasure
ᤂᤧᤳᤕᤥ: there (down)
ᤂᤧᤳᤌᤥ: there (up)
ᤌᤱ: war
ᤂᤧᤳᤏᤠ: there
ᤁᤧᤳᤏᤠ: here
ᤆᤡᤈᤡ-ᤜᤠᤱᤜᤠᤱ: peace (here)
ᤛᤡᤫᤀᤠᤱᤛᤡᤫ: with an acute pain, something prickly pain
ᤑᤡᤁ᤻ᤁᤠᤱᤓᤡᤰ: screaming, shouting, panicking
ᤂᤧᤳᤇᤡᤱᤔᤠ: run away, escape
ᤆᤡᤱᤛᤡᤶᤔᤠ: hide, conceal
ᤋᤥᤅ᤻: bow
ᤗᤡ: arrow
ᤘᤠᤐ᤻ᤑᤣ᤹: sickle
ᤋᤰᤁᤠᤋ᤻: stick, baton stick
ᤁᤠᤵᤛᤡᤱᤔᤠ: to take possession or control of something
ᤜᤣᤁ᤻ᤛᤡᤸᤗ: beginning
ᤘᤠᤏ᤻ᤇᤡᤴ (ᤛᤠᤘᤠᤏ᤻ᤇᤡᤴ): born
ᤜᤠᤱᤛᤠ: prince
ᤀᤅᤧᤁ᤻ᤘᤠ: baby, infant
ᤔᤡᤱ ᤘᤠᤐ᤻ᤔᤠ: to name a child
ᤛᤡᤜᤢᤵ:
ᤕᤠᤰᤌᤢᤱ ᤛᤠᤵᤙᤰᤗᤧᤴ ᤛᤠᤘᤠᤏ᤻ᤇᤡᤱᤔᤧᤵᤔᤥ ᤕᤠᤰᤌᤢᤱ ᤛᤠᤶᤏᤡᤒᤠ ᤙᤡᤖᤡᤈᤱᤃᤠᤜᤠᤱᤗᤧᤴ ᤛᤠᤵᤔᤢᤴᤎᤢᤶ ᤆᤡᤱᤛᤡᤴᤏᤠᤱ ᤘᤠ᤹॥ ᤀᤠᤏᤡ᤹ ᤀᤠᤵᤑᤠᤗ᤻ᤗᤧᤀᤠᤱ ᤁᤢᤖᤠᤰᤑᤠ᤹ᤀᤡᤴ ᤏᤡᤱᤘᤠ᤹ᤑᤣᤔ᤻ᤔᤠ ᤀᤠᤴᤇᤢᤰᤋᤢᤔᤡᤴ॥
ᤏᤠᤈᤡᤖᤡ ᤋᤱᤃᤡᤵᤛᤡᤱ ᤑᤠᤱᤛᤡᤃᤣᤁ᤻ᤁᤡᤸᤗᤧ ᤋᤣᤔᤧᤴ ᤗᤠᤈᤣ᤹ᤀᤥ ᤁᤏᤦᤈ᤻ ᤐᤠᤱᤕᤁ᤻ ᤛᤠᤖᤡᤰ ᤀᤡᤅᤧᤀᤠᤱ ᤏᤧᤛᤧ॥ ᤂᤧᤶᤓᤧᤸᤗᤧ ᤀᤣ᤹ᤀᤣ ᤜᤠᤱ-ᤀᤡᤋ᤻ᤜᤠ᤹ᤖᤧ ᤀᤠᤒᤠᤅᤣ-ᤀᤠᤒᤠᤅᤣ ᤆᤢᤈᤢᤰᤛᤠ ᤗᤠᤈᤣ᤹ᤜᤠ᤹ᤀᤥ ᤜᤢᤰᤁᤠᤵ ᤔᤧᤔᤧᤳᤋᤢᤀᤠᤱ ᤜᤠᤱᤈᤢᤶ ᤔᤧᤈᤥᤃᤢᤖ ᤔᤧᤘᤕᤧ॥ ᤐᤠᤗ᤻ ᤋᤡᤜᤠᤖᤡ ᤏᤢ ᤖᤠᤛ᤻ᤋᤪᤁᤢᤋ᤻ᤛᤡᤖᤧᤀᤠᤱ ᤁᤏᤦᤈ᤻ ᤏᤢ ᤌᤠᤱᤃᤧᤳ ᤋᤣᤔᤧᤴ ᤗᤠᤈᤣ᤹ᤀᤡᤴ ᤜᤢᤵᤁᤠᤵ ᤔᤧᤳᤋᤢᤛᤡᤀᤠᤱ ᤜᤠᤱᤈᤢᤶ ᤆᤥᤃᤢᤛᤡᤖᤧ ᤘᤕᤧᤛᤡ॥ ᤘᤣ᤹ᤗᤧᤵᤛᤠᤱ ᤁᤷᤏᤠᤋ᤻ ᤀᤡᤋ᤻ᤗᤧᤴ ᤜᤠᤱᤜᤠ᤹ᤖᤧᤴ ᤛᤢᤷᤕᤀᤡᤋ᤻ᤗᤧᤴ ᤜᤠᤱᤜᤠ᤹ ᤔᤧᤏᤠᤏ᤻ᤍᤢᤀᤠᤱ ᤏᤧᤵᤐᤠᤗ᤻ ᤗᤠᤈᤣ᤹ᤀᤥ ᤜᤠᤱᤈᤢᤶ ᤔᤧᤈᤥᤃᤢᤖ ᤔᤧᤘᤕᤧ॥
ᤂᤧᤶᤓᤧᤸᤗᤧ ᤏᤧᤵᤐᤠᤗ᤻ᤗ ᤀᤠᤰᤁᤣᤒᤠ ᤗᤠᤈᤣ᤹ ᤘᤕᤧᤓᤧᤸᤗᤧ ᤗᤡᤛᤡ ᤁᤥᤁ᤻ᤔᤠᤜᤠ᤹ᤖᤧᤴ ᤁᤢᤖᤢᤶᤔᤥ ᤁᤧᤘᤠ᤹ᤒᤠ ᤗᤠᤈᤣ᤹ᤎᤡᤰᤓᤠᤱ ᤁᤢᤛᤡᤱᤏᤡᤋ᤻ᤋᤧᤳᤋᤧ॥ ᤏᤧᤵᤐᤠᤗ᤻ ᤗᤠᤈᤣ᤹ᤜᤧᤵᤔᤥ ᤗᤡᤶᤒᤢᤘᤠᤏ᤻ ᤔᤧᤵᤏᤠᤒᤧᤴ ᤗᤠᤈᤣ᤹ ᤘᤕᤧ ᤀᤠᤳᤋᤡᤴ ᤀᤣ᤹ᤀᤣ ᤌᤡᤒᤥᤅ᤻ ᤕᤠᤰᤌᤢᤱᤜᤠᤱᤜᤠ᤹ᤖᤧ ᤜᤠᤱᤈᤢᤶ ᤔᤧᤈᤥᤃᤢᤖ ᤔᤧᤕᤢᤅᤧ॥ ᤁᤖ ᤕᤠᤰᤌᤢᤱ ᤜᤠᤱᤜᤠ᤹ ᤗᤢᤶᤔᤥ ᤀᤠᤵᤑᤠᤗ᤻ᤗᤧᤛᤠᤱ ᤌᤱᤖᤰ ᤔᤧᤈᤥᤁ᤻ᤇᤡᤱ ᤏᤢ ᤆᤡᤈᤡ-ᤜᤠᤱᤜᤠᤱᤘᤠ ᤜᤥᤐ᤻ᤋᤧᤛᤡ॥ ᤂᤧ᤹ᤕᤥ. ᤁᤢᤓᤠ ᤋᤥᤅ᤻-ᤗᤡ. ᤘᤠᤐ᤻ᤑᤣᤀ ᤏᤢ ᤌᤣᤔᤠ ᤂᤥᤍᤧᤳᤇᤠᤱ ᤁᤠᤵᤛᤡᤴᤏᤠᤱ ᤌᤱ ᤆᤥᤁ᤻ᤔᤠ ᤔᤧᤖᤠᤏ᤻ᤍᤧ. ᤁᤢᤓᤠ ᤔᤧᤈᤡᤱᤛᤡᤱ. ᤁᤢᤓᤠ ᤔᤧᤄᤧᤳᤇᤡᤱ॥ ᤕᤠᤶᤔᤥ ᤋᤣᤔᤧᤴ ᤏᤢ ᤏᤧᤵᤐᤠᤗ᤻ ᤗᤠᤈᤣ᤹ᤜᤠ᤹ ᤜᤧᤰᤁᤣ ᤗᤡᤶᤒᤢᤘᤠᤏ᤻ᤛᤠᤒᤠᤜᤠ᤹ ᤗᤢᤶᤔᤥ ᤛᤏᤠᤖᤢᤱ ᤔᤧᤜᤥᤐ᤻ᤛᤡᤱ॥
ᤏᤠᤈᤡᤖᤡ ᤋᤱᤃᤡᤵᤛᤡᤱ ᤌᤡᤒᤥᤅ᤻ ᤛᤡᤃᤣᤁ᤻ ᤜᤣᤁ᤻ᤋᤧᤸᤗᤧ ᤗᤡᤶᤒᤢᤘᤠᤏ᤻ᤏᤥ ᤜᤠᤱᤛᤠᤎᤡᤰ ᤛᤠᤘᤠᤏ᤻ᤇᤡᤴ ᤜᤠᤋ᤻ᤗᤧᤴ ᤔᤡᤱ ᤙᤡᤖᤡᤈᤱᤃᤠ ᤗ᤹ᤖᤡᤰ ᤔᤡᤱ ᤔᤧᤘᤠᤏ᤻ᤍᤢ॥ ᤀᤣᤃᤠᤱ ᤂᤧᤴ ᤗᤠᤈᤣ᤹ᤒᤠ ᤜᤠᤱ ᤐᤥᤁ᤻ᤂᤧ॥
ᤜᤢ᤹ᤛᤡᤱ:-
᥍. ᤁᤏᤦᤈ᤻ ᤐᤠᤱᤕᤁ᤻ᤁᤡᤴ ᤀᤸᤗᤥ ᤋᤣᤔᤧᤏ ᤗᤠᤈᤣ᤹ᤖᤧᤴ ᤀᤠᤳᤋᤡᤴ ᤂᤠᤶᤄᤢᤀᤥ ᤐᤵᤐᤣ᥅
᥎. ᤏᤠᤈᤡᤖᤡ ᤋᤱᤃᤡᤵᤛᤡᤱ ᤑᤠᤱᤛᤡᤃᤣᤁ᤻ᤁᤡᤸᤗᤧ ᤋᤣᤔᤧᤴ ᤗᤠᤈᤣ᤹ ᤏᤢ ᤏᤧᤵᤐᤠᤗ᤻ᤒᤠ ᤜᤠᤱᤜᤠ᤹ ᤗᤢᤶᤔᤥ ᤀᤠᤰᤁᤣᤒᤠ ᤘᤠᤏᤠᤶ ᤘᤕᤧᤒᤣ᥅
᥏. ᤂᤧᤶᤓᤧᤸᤗᤧ ᤏᤧᤵᤐᤠᤗ᤻ ᤗᤠᤈᤣ᤹ᤀᤡᤴ ᤀᤠᤰᤁᤣᤒᤠ ᤗᤠᤈᤣ᤹ᤓᤠᤱ ᤁᤢᤛᤡᤱ ᤏᤡᤋ᤻ᤋᤧᤳᤐᤣ᥅
᥇᥆. ᤗᤡᤶᤒᤢᤘᤠᤏ᤻ ᤀᤠᤳᤋᤡ ᤏᤧᤛᤧ ᤏᤢ ᤜᤠ-ᤜᤠᤋ᤻ᤇᤡᤖᤧ ᤜᤠᤱ ᤔᤧᤈᤥᤃᤢᤖ ᤔᤧᤕᤢᤅᤧᤒᤣ᥅
᥇᥇. ᤌᤣᤀᤠᤱ ᤗᤡᤶᤒᤢᤘᤠᤏ᤻ᤒᤠ ᤜᤠᤱᤜᤠ᤹ ᤗᤢᤶᤔᤥ ᤌᤡᤰᤜᤢᤶ ᤜᤥᤐ᤻ᤋᤧᤛᤡ᥅
᥇᥈. ᤙᤡᤖᤡᤈᤱᤃᤠᤜᤠᤱ ᤀᤠᤵᤑᤠᤗ᤻ᤗᤧ ᤛᤠᤘᤠᤏ᤻ᤇᤡᤴᤏᤠᤱ ᤘᤕᤧ᥅ ᤂᤢᤏᤧᤀ ᤀᤠᤳᤋᤡᤴ ᤗᤠᤈᤣ᤹ᤒᤠ ᤜᤠᤱ ᤐᤥᤁ᤻ᤂᤧᤒᤣ᥅
᥇᥉. ᤐᤧᤴᤇᤡᤱ ᤁᤠᤶᤛᤧ:-
ᤏᤢᤵᤑᤠᤪ. ᤔᤧᤴᤍᤱᤍᤱ. ᤀᤣ᤹ᤀᤣ. ᤜᤢᤰᤁᤠᤵ. ᤜᤠᤱᤈᤢᤶ. ᤜᤠᤱᤜᤠᤱᤘᤠ. ᤘᤠᤐ᤻ᤑᤣ᤹॥
ᤌᤠ᤹ᤗᤠ ᤛᤢᤶᤛᤡ (Para 3)
ᤁᤧᤎᤢᤶᤒᤠ ᤛᤢᤳᤗᤠᤜᤠ᤹
ᤁᤢᤶᤔᤧᤴᤇᤠ᤹: grandson
ᤏᤠᤏ᤻ᤍᤢᤛᤡᤀᤠᤱ: by succeeding or defeating
ᤁᤡᤒᤢ: fear, fright, threat
ᤗᤠᤶᤛᤢ: frightened, threatened (here)
ᤐᤠᤏ᤻ᤇᤢᤶ: phrase, precept, advice (here)
ᤁᤢᤓᤥ: under his control or subdued (here)
ᤋᤠᤶᤍᤠᤶᤘᤠ: comfortable, freedom, easiness
ᤏᤠ᤹ᤛᤡᤱ: rest, relaxation
ᤏᤧᤰᤛᤠ᤹: flesh, to be reunited (here)
ᤏᤡᤱᤘᤠ᤹ ᤋᤠ᤺ᤍᤠ: to be satisfied or gratified as what you think of.
ᤆᤠ᤺ᤔᤠ-ᤌᤢᤱᤔᤠ: foodstuffs, food and drink
ᤛᤢᤰᤂᤣᤘᤠ: happiness, joy, ease
ᤛᤡᤜᤢᤵ:-
ᤁᤖ ᤂᤧᤴ ᤜᤠᤱᤛᤠ ᤙᤡᤖᤡᤈᤱᤃᤠ (ᤏᤠᤈᤡᤖᤡ ᤋᤱᤒᤣ ᥎᥎᥆-᥏᥇᥋) ᤜᤠᤱ ᤐᤥᤅ᤻ᤔᤠ ᤋᤃᤡ ᤁᤢᤴᤎᤒᤠ ᤃᤗᤡᤈᤱᤃᤠᤜᤠᤱᤅᤡᤸᤗᤧ ᤗᤡᤶᤒᤢᤘᤠᤏ᤻ᤒᤠ ᤕᤠᤅ᤻ᤘᤠᤖᤰ ᤌᤢᤶᤜᤧᤵᤔᤥ ᤜᤠᤱᤈᤢᤶ ᤆᤥᤃᤢᤖ ᤘᤕᤧ॥ ᤂᤧᤶᤓᤧᤸᤗᤧ ᤔᤢᤍᤠᤜᤠᤱᤗᤧᤴ ᤜᤠᤱᤈᤢᤶ ᤘᤕᤧ॥ ᤕᤠᤶᤔᤥ ᤂᤢᤏᤧ᤹ ᤕ᤹ᤘᤠᤒᤠ ᤐᤥᤁ᤻ᤂᤧᤀᤠᤱ ᤙᤡᤖᤡᤈᤱᤃᤠᤜᤠᤱ ᤁᤢᤔᤢᤰᤁᤥ ᤋᤧᤩᤀᤠᤱ ᤌᤠᤱᤃᤧᤳᤗᤧᤵᤛᤠᤱᤒᤠ ᤗᤡᤶᤒᤢᤘᤠᤏ᤻ᤏᤡᤴ ᤜᤢᤰᤁᤠᤵ ᤔᤧᤳᤋᤢᤀᤠᤱ ᤘᤕᤧ॥ ᤀᤣᤃᤠᤱ ᤂᤢᤏᤧ᤹ ᤕᤖᤡᤰ ᤌᤢᤶᤛᤠᤒᤠ ᤐᤥᤁ᤻ᤂᤧᤀᤠᤱ ᤁᤧᤖᤧᤰ ᤌᤡᤒᤥᤅ᤻ ᤕᤠᤰᤌᤢᤱ ᤜᤠᤱᤜᤠ᤹ ᤌᤱᤀᤥ ᤏᤠᤏ᤻ᤍᤢᤀᤠᤱ ᤁᤢᤓᤥᤀᤥ ᤆᤥᤃᤢ॥
ᤂᤧᤵᤔᤥᤒᤠ ᤗᤡᤶᤒᤢᤘᤠᤏ᤻ᤛᤠᤒᤠᤜᤠ᤹ᤖᤧ ᤏᤠ᤹ᤛᤡᤱ ᤔᤧᤄ᤺ᤥᤛᤢ ᤏᤢ ᤂᤢᤏᤡ᤹ ᤗᤢᤶᤔᤥ ᤋᤠᤶᤍᤠᤶᤘᤠ ᤋᤧᤩ. ᤏᤡᤱᤘᤠ᤹ ᤋᤠ᤺ᤔᤠ ᤏᤢ ᤜᤧᤰᤁᤠᤩᤱ ᤆᤠ᤺ᤔᤠ-ᤌᤢᤱᤔᤠ ᤁᤧᤖᤧᤰᤁᤥ ᤛᤢᤰᤂᤣᤘᤠ ᤐᤥᤁ᤻ᤂᤧ॥ ᤁᤢᤜᤠᤱᤈᤢᤶᤔᤥ ᤀᤣ᤹ᤀᤣ ᤁᤧᤖᤧᤰ ᤗᤢᤶᤔᤥ ᤌᤡᤰᤜᤢᤶ ᤏᤢ ᤛᤏᤠᤖᤢᤱ ᤋᤠᤖᤢᤀᤠᤱ ᤘᤕᤧ॥
ᤜᤢ᤹ᤛᤡᤱ:-
᥇᥊. ᤙᤡᤖᤡᤈᤱᤃᤠᤜᤠᤱᤅᤡᤸᤗᤧ ᤗᤡᤶᤒᤢᤘᤠᤏ᤻ᤏᤥ ᤀᤠᤵᤑᤠᤗ᤻ᤗᤧᤏᤢ ᤀᤠᤰᤂᤧᤴ ᤋᤱᤒᤣᤄᤠᤖᤰ ᤜᤠᤱᤈᤢᤶ ᤆᤥᤃᤢᤀᤠᤱ ᤘᤕᤧᤒᤣ᥅
᥇᥋. ᤂᤢᤏᤧᤀ ᤁᤢᤴᤎᤒᤠᤖᤧ ᤔᤡᤱ ᤘᤕᤧ ᤏᤢ ᤂᤠᤶᤓᤧᤸᤗᤧ ᤜᤠᤋ᤻ᤋᤡᤸᤗᤧ ᤜᤠᤱᤈᤢᤶ ᤆᤥᤃᤢᤖ ᤘᤕᤧ᥅
᥇᥌. ᤂᤢᤏᤧ᤹ ᤀᤠᤰᤁᤣᤖᤡᤰ ᤗᤡᤶᤒᤢᤘᤠᤏ᤻ᤏᤥ ᤜᤠᤱ ᤐᤥᤅ᤻ᤔᤠ ᤛᤒᤵᤐᤠ (successful) ᤐᤥᤁ᤻ᤂᤧᤒᤣ᥅
᥇᥍. ᤂᤢᤏᤧ᤹ ᤜᤠᤱ ᤐᤥᤁ᤻ᤂᤧᤀᤠᤱ ᤀᤣᤃᤠᤱ ᤗᤡᤶᤒᤢᤘᤠᤏ᤻ᤛᤠᤒᤠᤜᤠ᤹ ᤀᤠᤰᤁᤣᤒᤠ ᤛᤢᤰᤂᤣᤘᤠ ᤔᤧᤄ᤺ᤥᤛᤢᤒᤣ᥅
᥇᥎. ᤐᤧᤴᤇᤡᤱ ᤁᤠᤶᤛᤢᤛᤧ:-
ᤏᤠᤏ᤻ᤍᤢᤛᤡᤀᤠᤅ ᤁᤡᤒᤢ ᤗᤠᤶᤛᤢ. ᤁᤢᤓᤥ. ᤋᤠᤶᤍᤠᤶᤘᤠ. ᤏᤠ᤹ᤛᤡᤱ॥
ᤌᤠ᤹ᤗᤠ ᤗᤡᤛᤡ (Para 4)
ᤁᤧᤎᤢᤶᤒᤠ ᤛᤢᤳᤗᤠᤜᤠ᤹
ᤛᤠᤶᤏᤡᤒᤠ: scholar, academician
ᤛᤠᤱᤛᤠᤱᤘᤠ: holiness, brightness, pleasure (here)
ᤁᤢᤖᤠᤈᤣ᤹ᤀᤥ: in his country
ᤁᤢᤖᤠᤈᤣ᤹ᤛᤠᤒᤠᤜᤠ᤹: his citizens
ᤁᤧᤖᤧ᤺ᤒᤠ: wise, knowledgeable
ᤆᤠᤐ᤻ᤐᤠ: clever, genius
ᤕᤧᤰᤕᤧᤰᤐᤠ: careful, prudent
ᤑᤢᤰᤂᤢᤛᤡᤀᤠᤱ: by gathering or collecting and blending
ᤁᤧᤍᤱᤒᤠ: matchable, suitable
ᤁᤢᤛᤱ ᤏᤡᤐ᤻ᤔᤠ: new
ᤏᤡᤐ᤻ᤔᤠ: to read
ᤛᤠᤵᤔᤠ: to write
ᤜᤢ᤹ᤖᤢᤛᤡ: taught, trained
ᤙᤰᤙᤰ: script (a set of letters)
ᤛᤅ᤻: tribe, community (here)
ᤛᤡᤜᤢᤵ:-
ᤗᤡᤶᤒᤢᤘᤠᤏ᤻ᤛᤠᤒᤠᤜᤠ᤹ᤖᤧ ᤜᤠᤱᤜᤠᤱᤘᤠ ᤏᤢ ᤛᤠᤱᤛᤠᤱᤘᤠ ᤔᤧᤄᤥ᤺ᤛᤢᤛᤠᤱ ᤙᤡᤖᤡᤈᤱᤃᤠᤜᤠᤱᤗᤧᤴ ᤏᤡᤱᤘᤠ᤹ᤛᤡᤃᤠᤱ ᤛᤏᤠᤖᤢᤱ ᤜᤥᤐ᤻ᤋᤧ ᤌᤣᤀᤠᤱᤓᤧᤸᤗᤧ ᤁᤢᤖᤠᤈᤣ᤹ᤛᤠᤒᤠᤜᤠ᤹ ᤁᤧᤖᤧ᤺ᤒᤠ. ᤆᤠᤐ᤻ᤐᤠ. ᤕᤧᤰᤕᤧᤰᤐᤠ ᤏᤢ ᤏᤡᤛᤠᤶᤒᤠ ᤆᤥᤁ᤻ᤔᤠ ᤏᤡᤱᤘᤠ᤹ ᤁᤳᤋᤢᤛᤡᤀᤠᤱ ᤘᤕᤧ॥ ᤕᤠᤶᤔᤥ ᤂᤢᤏᤧ᤹ ᤕᤶᤒᤠ ᤔᤢᤰᤁᤢᤒᤠ ᤜᤠᤱᤖᤰ ᤔᤧᤘᤕᤧᤴ ᤁᤖ ᤗᤳᤌᤡᤰ ᤕᤧᤍᤡᤶᤒᤠ ᤕᤠᤰᤌᤢᤱ ᤛᤠᤶᤏᤡᤒᤠ ᤘᤕᤧ॥ ᤂᤢᤏᤧ᤹ ᤀᤢᤏᤠᤜᤢᤖᤡᤒᤠ ᤕᤠᤰᤌᤢᤱ ᤙᤰᤙᤰᤁᤡᤴ ᤑᤢᤰᤂᤢᤛᤡᤱ ᤕᤠᤰᤌᤢᤱ ᤐᤠᤏ᤻ᤏᤥ ᤁᤧᤍᤱᤒᤠ ᤁᤢᤛᤱ ᤙᤰᤙᤰᤎᤡᤰ ᤆᤥᤃᤢᤗᤋ᤻ᤋᤢ॥ ᤂᤧᤴ ᤁᤢᤛᤱ ᤙᤰᤙᤰᤁᤥ ᤁᤢᤖᤠᤈᤣ᤹ᤛᤠᤒᤠᤜᤠ᤹ ᤏᤡᤐ᤻ᤔᤠ-ᤛᤠᤵᤔᤠ ᤜᤢ᤹ᤖᤢᤛᤡ ᤀᤠᤳᤋᤡᤏ᤻ 'ᤙᤡᤖᤡᤈᤱᤃᤠ ᤙᤰᤙᤰ'ᤁᤠᤱ ᤔᤧᤔᤧᤳᤋᤢ॥ ᤁᤴ ᤙᤰᤙᤰᤁᤡᤴ ᤕᤠᤰᤌᤢᤱ ᤕᤠᤰᤌᤢᤱ ᤛᤢᤘᤠᤱᤗᤧᤴ ᤀᤠᤸᤗᤥᤒᤠ ᤙᤰᤙᤰ ᤐᤥᤁ᤻ᤂᤧ॥ ᤜᤧᤰᤁᤠᤩᤱ ᤁᤴᤏᤡᤴ ᤕᤠᤰᤌᤢᤱ ᤙᤰᤙᤰ ᤔᤧᤔᤧᤳᤋᤢ᤹॥
ᤁᤴ ᤕᤠᤰᤌᤢᤱ ᤙᤰᤙᤰᤁᤡᤴ ᤀᤠᤰᤁᤣᤖᤡᤰ ᤆᤥᤃᤢᤗᤋ᤻ᤋᤢ ᤁᤧᤖ᤹ᤒᤠᤓᤧᤸᤗᤧ ᤏᤡᤛᤠᤶᤔᤠᤱᤅᤡᤸᤗᤧ ᤙᤡᤖᤡᤈᤱᤃᤠᤜᤠᤱᤗᤧᤴ ᤛᤧᤵᤔᤠᤱᤜᤧᤵᤔᤥ ᤋᤧᤩᤀᤠᤱ ᤂᤢᤏᤧ᤹ᤏ᤻ ᤜᤢ᤹ᤖᤢᤒᤠ᤺ ᤙᤰᤙᤰᤓᤠᤱ ᤔᤢᤴᤎᤢᤶᤔᤡᤒᤠ ᤂᤧᤍᤠ᤹ ᤀᤡᤛᤡᤁ᤻ ᤔᤧᤒᤠᤋ᤻ᤋᤢ ᤔᤧᤛᤠᤵᤋᤢᤀᤠᤱ ᤘᤠ᤹॥
ᤜᤢ᤹ᤛᤡᤱ:-
᥇᥏. ᤌᤣᤀᤠᤱ ᤙᤡᤖᤡᤈᤱᤃᤠᤜᤠᤱ ᤕᤶᤒᤠ ᤔᤢᤰᤁᤢᤒᤠ ᤜᤠᤱ ᤐᤥᤁ᤻ᤂᤧᤛᤠᤱ ᤁᤢᤏᤡᤱᤘᤠ᤹ᤛᤡᤃᤠᤱ ᤜᤠᤱᤜᤠᤱᤘᤠ ᤏᤢ ᤛᤠᤱᤛᤠᤱᤘᤠ ᤔᤧᤍᤧᤩᤏᤧᤴ᥅
᥈᥆. ᤂᤢᤏᤧ᤹ ᤀᤠᤰᤁᤣᤖᤡᤰ ᤕᤠᤰᤌᤢᤱ ᤙᤰᤙᤰ ᤆᤥᤃᤢᤗᤋ᤻ᤋᤢᤒᤣ᥅
᥈᥇. ᤀᤠᤳᤋᤡᤴ ᤙᤰᤙᤰᤁᤡᤴ ᤕᤠᤰᤌᤢᤱ ᤙᤰᤙᤰ ᤔᤧᤔᤧᤳᤋᤢ᤹ᤒᤣ᥅
᥈᥈. ᤙᤡᤖᤡᤈᤱᤃᤠᤜᤠᤱᤅᤡᤸᤗᤧ ᤜᤠᤋ᤻ᤗᤠᤶ ᤁᤢᤛᤱ ᤕᤠᤰᤌᤢᤱ ᤙᤰᤙᤰ ᤆᤥᤁ᤻ᤔᤠ ᤛᤡᤰᤁᤢᤶ ᤏᤡᤱᤘᤠ᤹ ᤂᤥ᤺ᤛᤢᤒᤣ᥅
᥈᥉. ᤐᤧᤴᤇᤡᤱ ᤁᤠᤶᤛᤢᤛᤧ᤹:-
ᤛᤠᤶᤏᤡᤒᤠ. ᤛᤠᤱᤛᤠᤱᤘᤠ. ᤕᤧᤰᤕᤧᤰᤐᤠ. ᤁᤢᤛᤱ. ᤜᤢ᤹ᤖᤢᤛᤡ॥
ᤌᤠ᤹ᤗᤠ ᤅᤠᤛᤡ ᤏᤢ ᤕᤧᤳᤇᤡ (Para 5 to 8)
(ᤙᤡᤖᤡᤈᤱᤃᤠ ᤜᤠᤱᤅᤡᤸᤗᤧ ᤂᤧᤴ ᤕᤧᤶᤔᤡᤸᤗᤧ.... ᤆᤀᤡᤋ᤻ ᤏᤢ 'ᤆ'ᤜᤠ᤹ ᤛᤠᤖᤡᤰ ᤔᤧᤸᤗᤧᤱᤛᤡᤱᤅᤣ ᤔᤧᤘᤠ᤹)
ᤁᤧᤎᤢᤶᤒᤠ ᤛᤢᤳᤗᤠᤜᤠ᤹
ᤕᤧᤶ: time
ᤛᤅ᤻: tribe, caste
ᤕᤶᤒᤠ: big
ᤆᤢᤰᤐᤠ (ᤆᤢᤰ): small
ᤛᤢᤶᤒᤥᤅ᤻: thirty
ᤏᤡᤒᤥᤅ᤻: twenty
ᤀᤡᤛᤡᤁ᤻: according to, similarly
ᤀᤡᤰᤗᤠᤒᤠ᤺: pronounced, sounded, voiced
ᤁᤰᤁᤣᤖᤡᤰᤁᤣ: In this way, likewise
ᤀᤤᤴ: today
ᤛᤢᤰᤂᤡᤶ: Sikkim
ᤁᤠᤏ᤻ᤍᤰ: Gangtok
ᤔᤧᤛᤠᤋ᤻ᤋᤢᤛᤡ: said, pronounced, told
ᤛᤡᤜᤢᤵ:-
ᤀᤤᤴᤏᤢ ᤕᤖᤡᤰ ᤋᤱᤒᤣ ᤋᤃᤡ ᤕᤠᤰᤌᤢᤱ ᤛᤢᤘᤠᤱᤖᤧᤴ ᤀᤠᤒᤠᤅᤣ ᤙᤰᤙᤰ ᤜᤥᤐ᤻ᤋᤧ॥ ᤜᤧᤰᤁᤠᤩᤱ ᤕᤠᤰᤌᤢᤱ ᤙᤰᤙᤰ ᤁᤢᤒᤥᤅ᤻ ᤆᤥᤁ᤻ᤔᤧᤵᤔᤥ ᤙᤡᤖᤡᤈᤱᤃᤠᤜᤠᤱᤅᤡᤸᤗᤧᤴ ᤕᤶᤒᤠ ᤜᤢᤰ ᤁᤳᤋᤢ॥ ᤂᤢᤏᤧ᤹ ᤘᤣ᤹ᤘᤣ ᤛᤢᤘᤠᤱᤜᤠ᤹ᤖᤧᤴ ᤙᤰᤙᤰᤜᤠ᤹ ᤋᤱᤄᤢᤛᤡᤀᤠᤱ ᤗᤳᤌᤡᤰ ᤁᤢᤛᤱ ᤕᤠᤰᤌᤢᤱ ᤙᤰᤙᤰ ᤆᤥᤃᤢᤗᤋ᤻ᤋᤢ॥ ᤂᤧᤴ ᤙᤰᤛᤠᤜᤠ᤹ ᤁᤢᤓᤠ ᤍᤣᤘ᤻ᤘᤏᤠᤃᤖᤡ. ᤁᤢᤓᤠ ᤔᤢᤍᤧᤶᤒᤠ ᤙᤰᤛᤠ. ᤁᤢᤓᤠ ᤀᤡᤔᤣᤐ᤻ᤐᤠ ᤙᤰᤛᤠ. ᤘᤃᤧᤖᤠᤜᤠ᤹ ᤋᤱᤄᤢᤛᤡᤀᤠᤱ ᤕᤶᤒᤠ ᤆᤢᤰᤐᤠ ᤁᤧᤖᤧᤰ ᤕᤠᤰᤌᤢᤱ ᤙᤰᤙᤰᤁᤡᤴ ᤛᤢᤶᤒᤥᤅ᤻ ᤆᤥᤃᤢᤀᤠᤱ ᤘᤕᤧ॥ ᤂᤧᤴ ᤛᤢᤶᤒᤥᤅ᤻ ᤙᤰᤛᤠᤜᤠ᤹ ᤗᤢᤶᤔᤥ ᤕᤶᤒᤠ ᤙᤰᤛᤠᤜᤠ᤹ ᤏᤡᤒᤥᤅ᤻ ᤏᤢ ᤆᤢᤰᤐᤠ ᤙᤰᤛᤠᤜᤠ᤹ ᤌᤡᤒᤥᤅ᤻ ᤔᤧᤘᤕᤧ॥
ᤔᤥ ᤁᤧᤒᤵᤐᤠ ᤙᤰᤛᤠᤜᤠ᤹ ᤀᤢᤏᤠᤒᤠ᤺ ᤕᤠᤰᤌᤢᤱ ᤕᤶᤒᤠ ᤙᤰᤙᤰ ᤖᤥ॥
ᤌᤠᤅ᤻ᤛᤢᤒᤠ ᤏᤡᤒᤥᤅ᤻ ᤕᤶᤒᤠ ᤙᤰᤛᤠᤜᤠ᤹ ᤏᤡᤐ᤻ᤔᤧᤸᤗᤧ ᤀᤠᤶᤔᤠ ᤀᤡᤰᤗᤠᤏᤢ ᤋᤱᤔᤠᤛᤡᤀᤠᤱ ᤏᤡᤐ᤻ᤔᤠ ᤌᤡᤶ ᤘᤕᤧ॥ ᤁᤖ ᤀᤤᤴ ᤜᤧᤰᤁᤣ ᤀᤠᤶᤔᤠ ᤔᤧᤏ᤻ᤏᤣᤒᤠ ᤙᤰᤛᤠᤜᤠ᤹ ᤂᤧᤶᤓᤧᤸᤗᤧ ᤔᤧᤜᤥᤐ᤻ᤋᤧ॥ ᤂᤧᤶᤓᤧᤸᤗᤧ ᤕᤠᤰᤌᤢᤱ ᤛᤠᤵᤐᤠᤏ᤻ᤏᤥ ᤂᤧᤴ ᤕᤶᤒᤠ ᤙᤰᤛᤠᤜᤠ᤹ ᤀᤠᤶᤔᤠ ᤛᤥᤖᤡᤰ ᤀᤡᤰᤗᤧᤱ ᤁᤧᤒᤥᤅ᤻ᤒᤠ ᤔᤧᤘᤕᤧ॥
ᤏᤡᤒᤥᤅ᤻ ᤕᤠᤶᤒᤠ ᤙᤰᤛᤠᤜᤠ᤹ ᤁᤢᤀᤡᤰᤗᤧᤱ ᤏᤢ ᤂᤧᤴᤗᤠᤶ ᤁᤶᤓᤧᤸᤗᤧᤒᤠ ᤙᤰᤛᤠᤜᤠ᤹॥
ᤜᤢ᤹ᤛᤡᤱ:-
᥈᥊. ᤀᤢᤏᤠ ᤕᤠᤰᤌᤢᤱ ᤕᤶᤒᤠ ᤏᤢ ᤆᤢᤰᤛᤠ ᤙᤰᤛᤠᤜᤠ᤹ ᤀᤠᤰᤂᤧᤴ ᤔᤧᤘᤕᤧᤒᤣ᥅
᥈᥋. ᤀᤢᤏᤠ ᤕᤠᤰᤌᤢᤱ ᤙᤰᤙᤰᤁᤡᤴ ᤀᤠᤰᤁᤣᤖᤡᤰ ᤔᤧᤈᤥᤃᤢᤀᤠᤱ ᤔᤧᤘᤕᤧ᥅ ᤜᤠᤋ᤻ᤗᤧ ᤆᤥᤃᤢᤒᤠᤒᤣ᥅
᥈᥌. ᤂᤧᤶᤓᤧᤸᤗᤧ ᤀᤢᤏᤠ ᤕᤠᤰᤌᤢᤱ ᤙᤰᤙᤰᤁᤡᤴ ᤀᤠᤰᤁᤣᤖᤡᤰ ᤔᤧᤏᤡ᤺ᤖᤢᤒᤣ᥅ ᤀᤠᤸᤗ ᤕᤠᤰᤌᤢᤱ ᤙᤰᤙᤰᤁᤡᤴ ᤀᤠᤰᤁᤣᤖᤡᤰᤔᤧᤏᤡ᤺ᤖᤢᤶᤒᤣ᥅
᥈᥍. ᤐᤧᤳᤇᤡᤱ ᤁᤠᤶᤛᤢᤛᤧ᤹:-
ᤛᤅ᤻. ᤕᤶᤒᤠ. ᤆᤢᤰᤐᤠ. ᤀᤡᤛᤡᤁ᤻. ᤀᤡᤰᤗᤠᤒᤠ॥
ᤌᤠ᤹ᤗᤠ ᤑᤠᤱᤛᤡ (Para 9)
(ᤌᤡᤒᤥᤅ᤻ ᤆᤢᤰᤐᤠ ᤙᤰᤙᤰᤜᤠ᤹ ᤔᤧᤔᤕᤧ....)
ᤁᤧᤎᤢᤶᤒᤠ ᤛᤢᤳᤗᤠᤜᤠ᤹
ᤁᤳᤌᤥ: up there
ᤌᤢᤶᤜᤠ᤹: districts
ᤀᤰᤂᤣᤍᤱᤒᤠ: this type of, in this type
ᤛᤡᤜᤢᤵ:-
ᤁᤖ ᤙᤡᤖᤡᤈᤱᤃᤠᤜᤠᤱᤅᤡᤸᤗᤧ ᤆᤥᤃᤢᤗᤋ᤻ᤋᤢᤒᤠ ᤌᤡᤒᤥᤅ᤻ ᤆᤢᤰᤐᤠ ᤙᤰᤙᤰᤜᤠ᤹ ᤔᤧᤔᤕᤧ ᤔᤧᤒᤣ ᤏᤢ ᤀᤠᤸᤗᤥ ᤔᤧᤜᤥᤋ᤻ᤋᤧ॥ ᤂᤠᤛᤠᤱ ᤂᤧᤴ ᤌᤡᤒᤥᤅ᤻ ᤆᤢᤰᤐᤠ ᤙᤰᤛᤠ ᤔᤧᤔᤕᤧ ᤔᤧᤒᤣᤛᤠᤱ ᤁᤥᤋ᤻ᤋᤢᤗᤠᤐ᤻ᤔᤠᤏᤠ ᤛᤠᤵᤐᤠᤅ᤻ᤃᤧᤶᤒᤠ ᤕᤠᤰᤌᤢᤱ ᤛᤢᤘᤠᤱᤗᤢᤶᤔᤥ ᤙᤥᤎᤢᤱᤃᤧᤴ ᤀᤡᤔᤠᤏ᤻ᤛᤡᤱ ᤆᤧᤔ᤻ᤈᤱ ᤘᤕᤧ॥ ᤂᤢᤏᤧ᤹ ᤏᤠᤈᤡᤖᤡ ᤋᤱᤒᤣ ᥇᥏᥉᥆ᤗᤧ ᤁᤠᤗᤧᤒᤢᤱ. ᤍᤠᤖ᤻ᤈᤡᤗᤡᤱ. ᤛᤢᤶᤂᤡᤶ ᤏᤢ ᤗᤡᤶᤒᤢᤘᤠᤏ᤻ ᤗᤠᤈᤣ᤹ᤗᤧᤴ ᤀᤣ᤹ᤀᤣ ᤌᤢᤶᤜᤠ᤹ᤀᤥ ᤕᤠᤰᤌᤢᤱ ᤛᤠᤵᤙᤰ ᤏᤢ ᤙᤰᤙᤰ ᤙᤰᤏᤡᤔ᤻ ᤏᤢ ᤁᤥᤶᤓᤥ ᤆᤥᤃᤢᤛᤡᤖ ᤁᤥᤋ᤻ᤋᤢᤛᤡᤸᤗᤧ ᤌᤡᤒᤥᤅ᤻ ᤆᤢᤰᤐᤠ ᤙᤰᤛᤠᤜᤠ᤹ ᤂᤥ᤺ᤛᤢ॥ ᤂᤧᤴ ᤙᤰᤛᤠᤜᤠ᤹ ᤀᤰᤂᤣᤍᤱᤒᤠ ᤔᤧᤘᤠ᤹:- ( ᤰ ). ( ᤵ ). ( ᤶ ). ( ᤳ ). ( ᤩ ). ( ᤴ ). ( ᤱ ). ( ᤸ ). ( ᤫ ) ( ᤷ )॥
ᤜᤢ᤹ᤛᤡᤱ:
᥈᥎. ᤙᤡᤖᤡᤈᤱᤃᤠᤜᤠᤱᤅᤡᤸᤗᤧ ᤆᤥᤃᤢᤗᤋ᤻ᤋᤢᤒᤠ ᤌᤡᤒᤥᤅ᤻ ᤆᤢᤰᤐᤠ ᤙᤰᤛᤠᤜᤠ᤹ ᤔᤧᤔᤕᤧ ᤔᤧᤒᤣᤒᤡ ᤔᤧᤒᤣᤏᤧᤴ᥅ ᤌᤣᤀᤠᤱ᥅
᥈᥏. ᤀᤡᤔᤠᤏ᤻ᤛᤡᤱ ᤆᤧᤔ᤻ᤈᤱᤗᤧ ᤀᤠᤰᤁᤣᤖᤡᤰ ᤕᤠᤰᤌᤢᤱ ᤆᤢᤰᤐᤠ ᤙᤰᤛᤠᤜᤠ᤹ ᤂ᤺ᤥᤛᤢᤒᤣ᥅ ᤌᤣᤎᤣᤛᤡ᥅
ᤌᤠ᤹ᤗᤠ ᤌᤡᤒᤥᤅ᤻ (Para 10)
(ᤙᤡᤖᤡᤈᤱᤃᤠ ᤕᤧᤶᤔᤡᤸᤗᤧ ᤁᤴ ᤌᤡᤒᤥᤅ᤻ ᤆᤢᤰᤐᤠ....)
ᤁᤧᤎᤢᤶᤒᤠ ᤛᤢᤳᤗᤠᤜᤠ᤹
ᤀᤡᤰᤗᤠ: sound, voice
ᤛᤡᤜᤢᤵ:-
ᤂᤧᤴ ᤀᤢᤏᤠ ᤌᤡᤒᤥᤅ᤻ ᤆᤢᤰᤐᤠ ᤙᤰᤛᤠᤜᤠ᤹ ᤀᤠᤰᤁᤣᤖᤡᤰ ᤀᤡᤰᤗᤧᤱ ᤔᤧᤈᤥᤃᤢ ᤂᤧᤸᤗᤧ ᤐᤠᤏ᤻ ᤀᤠᤸᤗᤥᤎᤠᤖᤡᤰ ᤌᤣᤛᤠᤱ ᤌᤠ᤺ᤀᤡᤱ ᤜᤥᤐ᤻॥ ᤕᤠᤶᤔᤥ ᤂᤧᤸᤗᤧᤴ ᤐᤷᤔᤠᤱᤃᤡᤀᤠᤱ ᤂᤥᤔᤧᤴᤍᤧᤳᤋᤣ ᤘᤠ᤹ ᤁᤖ ᤂᤧᤴ ᤕᤶᤒᤠ ᤌᤡᤒᤥᤅ᤻ ᤙᤰᤛᤠᤜᤠ᤹ᤖᤧᤴ ᤀᤡᤰᤗᤧᤱ ᤀᤡᤛᤡᤁ᤻ ᤀᤡᤰᤗᤧᤱᤔᤠᤃᤪ ᤆᤢᤰ ᤙᤰᤛᤠᤜᤠ᤹ ᤆᤢᤰ ᤁᤠ. ᤆᤢᤰ ᤐᤠ. ᤆᤢᤰ ᤀᤠ. ᤆᤢᤰ ᤔᤠ. ᤆᤢᤰ ᤋᤠ ᤗ᤹ᤖᤡᤰ ᤔᤧᤏᤡ᤺ᤖᤢᤀᤡᤖᤠ॥ ᤁᤖ ᤁᤶᤓᤧᤸᤗᤧ ᤁᤴ ᤆᤢᤰ ᤙᤰᤛᤠᤜᤠ᤹ ᤀᤠᤶᤔᤠ ᤀᤡᤰᤗᤧᤱ ᤔᤧᤈᤥᤃᤢ ᤁᤢᤛᤡᤱ - ᤆᤢᤰ ᤁ. ᤆᤢᤰ ᤐ. ᤆᤢᤰ ᤔ. ᤘᤃᤧᤖᤠ॥
ᤜᤢ᤹ᤛᤡᤱ:
᥉᥆. ᤀᤠᤸᤗᤥ ᤆᤢᤰ ᤙᤰᤛᤠᤜᤠ᤹ ᤏᤢ ᤂᤧᤶᤓᤧᤸᤗᤧᤒᤠ ᤆᤢᤰ ᤙᤰᤛᤠᤜᤠ᤹ᤖᤧᤴ ᤌᤣ ᤁᤢᤛᤧᤴ ᤘᤠ᤹ᤛᤡᤒᤣ᥅
ᤌᤠ᤹ᤗᤠ ᤌᤡᤰᤌᤡᤰ (Para 11)
(ᤁᤴ ᤌᤡᤒᤥᤅ᤻ ᤆᤢᤰᤐᤠ ᤙᤰᤙᤰᤜᤠ᤹ ᤀᤠᤒᤠᤅᤣ...)
ᤁᤧᤎᤢᤶᤒᤠ ᤛᤢᤳᤗᤠᤜᤠ᤹
ᤀᤠᤒᤠᤅᤣ: self, own
ᤀᤣᤁ᤻ᤛᤠ: alone
ᤕᤧᤵᤔᤠ: stand
ᤛᤍᤣ: always
ᤔᤧᤃᤢ᤺ᤛᤡᤱᤅᤠᤱ: carrying, to carry something on one’s back
ᤔᤧᤓᤥᤏ᤻ᤇᤡᤱᤅᤠᤱ: hanging
ᤀᤡᤰᤗᤧᤱ: pronunciation
ᤜᤴᤏᤠᤱᤖᤰ: thereafter, after that
ᤁᤰᤁᤣᤁ᤻: this type of, such
ᤛᤡᤜᤢᤵ:-
ᤕᤠᤰᤌᤢᤱ ᤛᤠᤵᤐᤠᤏ᤻ᤏᤥ ᤁᤴ ᤌᤡᤒᤥᤅ᤻ ᤆᤢᤰᤐᤠ ᤙᤰᤛᤠᤜᤠ᤹ ᤀᤠᤒᤠᤅᤣ ᤕᤠ ᤕᤶᤒᤠ ᤙᤰᤛᤠᤜᤠ᤹ᤖᤧᤴ ᤁᤢᤓᤠ ᤔᤧᤏ᤻ᤏᤣ ᤀᤡᤰᤗᤧᤱ ᤔᤧᤶᤒᤥᤅ᤻ᤏᤧᤴ॥ ᤁᤴᤜᤠ᤹ ᤀᤡᤰᤗᤧᤱᤔᤠ ᤆᤥᤁ᤻ᤔᤧᤵᤔᤥ ᤕᤶᤒᤠ ᤙᤰᤛᤠᤜᤠ᤹ᤖᤧᤴ ᤁᤢᤓᤠ ᤆᤠᤜᤠᤈᤥᤁ᤻॥ ᤀᤠᤵᤑᤠᤗ᤻ᤗᤧᤛᤠᤱ ᤁᤴᤜᤠ᤹ ᤀᤡᤰᤗᤧᤱᤔᤧᤸᤗᤧ ᤌᤡᤰᤛᤣᤁ᤻ᤐᤠ ᤆᤢᤰ ᤙᤰᤛᤠᤖᤧᤴ ᤀᤣᤃᤠᤱ ᤕᤶᤒᤠ ᤙᤰᤛᤠᤒᤠ ᤀᤡᤰᤗᤠ ᤔᤧᤓᤥᤏ᤻ᤇᤡᤱᤅᤠᤱᤖᤰ ᤀᤡᤰᤗᤧᤱᤔᤠ ᤛᤢᤰᤋᤧᤳ॥ ᤁᤢᤛᤡᤱ:- ᤗᤠᤵ. ᤗᤠᤱ. ᤛᤠᤵ. ᤘᤃᤧᤖᤠ॥ ᤁᤴ ᤆᤢᤰᤐᤠ ᤙᤰᤛᤠᤜᤠ᤹ ᤁᤢᤍᤢᤶ ᤕᤠ ᤁᤧᤍᤢᤶᤒᤠ ᤙᤰᤁᤠᤱ ᤔᤧᤔᤧᤳᤋᤢ᤹॥
ᤜᤢ᤹ᤛᤡᤱ:
᥉᥇. ᤕᤠᤰᤌᤢᤱ ᤛᤠᤵᤐᤠᤏ᤻ᤏᤥ ᤕᤶᤒᤠ ᤙᤰᤛᤠᤜᤠ᤹ᤖᤧᤴ ᤁᤢᤓᤠ ᤔᤧᤏ᤻ᤏᤣ ᤆᤢᤰᤐᤠ ᤙᤰᤛᤠᤜᤠ᤹ᤖᤧ ᤀᤡᤰᤗᤧᤱ ᤐᤥᤅ᤻ᤒᤡ ᤔᤧᤒᤥᤅ᤻ᤏᤧᤴ᥅ ᤌᤣᤀᤠᤱ᥅
᥉᥈. ᤆᤢᤰᤐᤠ ᤙᤰᤛᤠᤜᤠ᤹ ᤌᤣ ᤙᤰ ᤕᤠ ᤙᤰᤛᤠ ᤔᤧᤔᤧᤳᤋᤢ᤹ᤒᤣ᥅
᥉᥉. ᤐᤧᤴᤇᤡᤱ ᤁᤠᤶᤛᤢᤛᤧ᤹:-
ᤀᤠᤒᤠᤅᤣ. ᤀᤣᤁ᤻ᤛᤠ. ᤕᤧᤵᤔᤠ. ᤛᤍᤣ. ᤀᤡᤰᤗᤧᤱ॥
ᤁᤧᤕᤠᤁ᤻ᤐᤠ ᤗᤰᤜᤠ᤹ ᤆᤠᤸᤗᤡᤰᤁᤣ ᤌᤢᤵᤐᤧᤳ ᤐᤥᤅ᤻ᤗ ᤐ᤹॥
0 Comments