ᤜᤠᤋ᤻ ᤋᤠ᤺ᤀᤡ ᤁᤢᤖᤧᤰᤘᤠᤀᤥᤖᤧᤴ ᤐᤣᤓᤠᤅ᤻ | ᤕᤠᤰᤑᤠ ᤌᤡᤰᤏᤧᤳ

 ᤌᤠᤔᤡᤱ:

ᤏᤡ᤺ᤛᤢᤶ:	ᤌᤠ᤹ᤗᤠ ᤌᤡᤰᤗᤡ
ᤌᤠ᤹ᤗᤠ ᤌᤡᤰ	ᤌᤠ᤹ᤗᤠ ᤌᤡᤰᤅᤠ
ᤌᤠ᤹ᤗᤠ ᤏᤧᤳᤇᤡ	ᤌᤠ᤹ᤗᤠ ᤌᤡᤰᤋᤢᤰ
ᤌᤠ᤹ᤗᤠ ᤛᤢᤶᤛᤡ	ᤌᤠ᤹ᤗᤠ ᤌᤡᤰᤏᤢ
ᤌᤠ᤹ᤗᤠ ᤗᤡᤛᤡ	ᤌᤠ᤹ᤗᤠ ᤌᤡᤰᤕᤧᤳ
ᤌᤠ᤹ᤗᤠ ᤅᤠᤛᤡ	ᤌᤠ᤹ᤗᤠ ᤌᤡᤰᤑᤠᤱ
ᤌᤠ᤹ᤗᤠ ᤋᤢᤰᤛᤡ	ᤌᤠ᤹ᤗᤠ ᤏᤡᤒᤥᤅ᤻
ᤌᤠ᤹ᤗᤠ ᤏᤢᤛᤡ	ᤌᤠ᤹ᤗᤠ ᤏᤡᤌᤡᤰ
ᤌᤠ᤹ᤗᤠ ᤕᤧᤳᤇᤡ	ᤌᤠ᤹ᤗᤠ ᤏᤡᤏᤧᤳ
ᤌᤠ᤹ᤗᤠ ᤑᤠᤱᤛᤡ	ᤌᤠ᤹ᤗᤠ ᤏᤡᤛᤢᤶ
ᤌᤠ᤹ᤗᤠ ᤌᤡᤒᤥᤅ᤻	ᤌᤠ᤹ᤗᤠ ᤏᤡᤗᤡ
ᤌᤠ᤹ᤗᤠ ᤌᤡᤰᤌᤡᤰ	ᤌᤠ᤹ᤗᤠ ᤏᤡᤅᤠ
ᤌᤠ᤹ᤗᤠ ᤌᤡᤰᤏᤧᤳ	ᤌᤠ᤹ᤗᤠ ᤏᤡᤋᤢᤰ
ᤌᤠ᤹ᤗᤠ ᤌᤡᤰᤛᤢᤶ

---

ᤏᤡ᤺ᤛᤢᤶ:-

"ᤜᤠᤋ᤻ ᤋᤠ᤺ᤀᤡ ᤁᤢᤖᤧᤰᤘᤠᤀᤥ". ᤁᤴ ᤂᤧᤍᤠ᤹ᤀᤡᤴ ᤗᤳᤌᤡᤰ ᤀᤡᤋ᤻ᤇᤠᤵᤐᤠ ᤜᤠᤱᤕᤢᤔ᤻ᤒᤢ ᤒᤡᤷᤂ ᤐᤧᤄᤠᤖᤧ ᤛᤠᤵᤋᤢᤒᤠᤖᤥ॥ ᤁᤴ ᤂᤧᤍᤠ᤹ᤛᤡᤃᤠᤱ ᤗᤳᤌᤡᤰ ᤕᤠᤰᤌᤢᤱᤔᤠ ᤛᤡᤰᤛᤠᤶᤔᤠ ᤏᤢ ᤐᤧᤏᤡᤒᤠᤛᤡᤖᤧᤴ ᤔᤡᤔ᤻ᤈᤡᤒᤠ ᤐᤠᤏ᤻ ᤐᤳ॥

ᤐᤠᤱᤗᤥ᤺ᤒᤠᤜᤠ᤹:

ᤆᤥᤁ᤻ᤛᤡᤱ: ᤐᤠ᤺. ᤌᤰᤛᤢ᤺ᤒᤠ ᤗᤰᤁᤥ ᤛᤢᤒᤣᤍᤠᤖ᤻

ᤔᤠᤖᤥᤋ᤻ᤋᤡ: ᤔᤠ᤺

ᤑᤢᤱᤛᤠᤔᤠ: ᤋᤢᤶᤔᤠ ᤀᤣᤔᤠ᤺.  ᤕᤠᤰᤌᤢᤱᤔᤠ ᤛᤡᤰᤛᤠᤶᤔᤠ

ᤛᤢᤏᤢ: ᤑᤥᤁ᤻ᤘᤠᤔᤠ ᤀᤣᤔᤠ᤺. ᤗᤳᤌᤡᤰ ᤏᤡᤋ᤻ᤇᤠᤶᤛᤠ

ᤓᤢᤘᤏᤡ ᤛᤖ᤻: ᤀᤠᤷᤌᤠᤱᤒᤠ ᤔᤧᤵᤏᤠᤒᤧᤴ ᤋᤧᤴᤗᤠᤶ ᤐᤧᤏᤡᤒᤠ ᤛᤡᤰᤛᤠᤶᤒᤠ

ᤕᤠᤰᤌᤢᤱ ᤛᤡᤰᤛᤠᤶᤒᤠ: ᤀᤡᤋ᤻ᤇᤠᤵᤐᤠ ᤀᤠᤒᤠᤅᤣ

---

ᤌᤠ᤹ᤗᤠ ᤌᤡᤰ

ᤁᤧᤎᤢᤶᤒᤠ ᤛᤢᤳᤗᤠᤜᤠ᤹

ᤀᤠᤴᤍᤧᤏ᤻: already	ᤑᤧᤅ᤻ᤘᤠ: left
ᤀᤠᤒᤢ: child/infant	ᤆᤢᤰᤘᤠ: right
ᤀᤠᤒᤢ ᤕᤠᤰᤑᤠ: nursery/kindergarten	ᤜᤢᤰ: hand
ᤜᤡᤴᤈᤠ᤺-ᤐᤡᤳᤇᤢᤜᤠ᤹: children/boys-girls	ᤁᤢᤍᤘᤠᤒᤧᤴ:her forehead
ᤔᤧᤓᤡᤁ᤻ᤗ: crying	ᤁᤢᤅᤠᤖᤠᤏ᤻: her face
ᤔᤧᤜᤠᤐ᤻ᤗ: weeping	ᤁᤢᤎᤰ: her body
ᤀᤤᤴ: today	ᤁᤢᤖᤢᤶᤔᤥ: in the middle
ᤐᤣᤁ᤻ᤔᤠ: go	ᤛᤠᤒᤴ: prostrate (घोप्टो)
ᤛᤵᤑᤠᤀᤠᤱ: just in a moment	ᤀᤠᤔᤢᤖᤠ ᤕᤠ᤺ᤛᤧᤖ: uncomfortably, hesitatingly
ᤁᤡᤱᤏᤠ: bell	ᤑᤥᤁ᤻ᤂᤢᤀᤠᤱ (ᤑᤥᤅ᤻ᤔᤠ): to wake up
ᤕᤠᤏ᤻ᤍᤡᤰ: free/spare time, leisure time	ᤔᤢᤴᤍᤢᤱ: shake
ᤗᤥᤁ᤻ᤋᤠᤱᤗ (ᤗᤥᤁ᤻ᤔᤠ): by running	ᤕᤠᤁ᤻ᤕᤠᤁ᤻: gently, softly, lightly
ᤛᤠ᤹ᤛᤧ (ᤛᤠ᤹ᤔᤠ): visit to investigate/examine	ᤁᤢᤔᤡᤰ: her eyes
ᤜᤡᤴᤈᤠ᤹: boy	ᤁᤏᤧᤵᤔᤠᤱ: both
ᤂᤠᤛᤠᤵᤐᤠ: copy	ᤔᤡᤰᤘᤠ:tear (आँशु)
ᤔᤧᤎᤧᤁ᤻ᤂᤢᤀᤠᤱ: by tearing	ᤜᤐ᤻ᤛᤢᤛᤡᤀᤠᤱ: get swollen
ᤌᤧᤅ᤻ᤔᤠ: to tear (च्यात्नु)	ᤜᤰᤘᤠᤗ᤻ᤗᤧ: by expression
ᤂᤠᤶᤒᤠᤱᤔᤥ (ᤂᤠᤶᤒᤧᤴ): on the floor	ᤜᤡᤱᤔᤴ: life
ᤁᤢᤓᤠ: some	ᤔᤠᤅ᤻ᤛᤡᤶᤔᤠ: to be far away (तारिड़नु/ताड़ा हुनु)
ᤇᤖᤡ (ᤋᤰᤔᤠᤱ. ᤗᤜᤡᤱ. ᤋᤡ): stick	ᤛᤠᤖᤠᤱᤅᤠᤱ: clearly
ᤔᤧᤖᤧᤱᤛᤡᤴᤏᤠᤱ: by changing	ᤏᤡ᤺ᤎᤠ᤺ᤒᤧ: seen/visible
ᤔᤧᤃᤠᤵᤛᤡᤴᤏᤠᤱ: to take under one's control	ᤀᤧᤰᤐᤠ: alone
ᤔᤧᤈᤢᤱᤄᤧᤖᤇ (ᤆᤢᤱᤔᤠ): fighting	ᤌᤰᤋᤠᤱᤅᤠᤱ: to fight with
ᤛᤧᤏ᤻ᤎᤢᤅ᤻ᤛᤡᤳ:a stick of bamboo (भाटा)	ᤀᤶᤓᤠ: useless, for nothing
ᤗᤡᤓᤳ: suddenly, promptly	ᤕᤧᤒᤠᤱᤈᤠᤩᤱ: solution
ᤕᤱᤔᤠ ᤛᤠᤩᤱᤅᤠᤱ: dying with fear	ᤕᤈᤠᤪᤏ᤻: noise
ᤁᤢᤒᤣᤛᤠᤱ: near, close to	ᤕᤠᤶᤔᤥ: again
ᤛᤠᤵᤋᤧᤴᤛᤠᤶᤍᤠᤱ: on the table	ᤐᤥ᤺ᤖᤧᤖ: increasing
ᤛᤠᤵᤋᤧᤴ: table	ᤔᤢᤳᤗᤠᤔᤠ: Malbas, a kind of bamboo

ᤛᤡᤜᤢᤵ:-

ᤌᤡᤰ ᤕᤧᤴ. ᤗᤳᤌᤡᤰ ᤏᤡᤛᤠᤶᤜᤡᤶᤗᤧᤴ ᤀᤠᤒᤢ ᤕᤠᤰᤑᤠᤒᤠ ᤜᤡᤴᤈᤠ᤹-ᤐᤡᤳᤇᤢ᤹ᤜᤠ᤹ ᤕᤈᤠᤪ ᤔᤧᤈᤥᤃᤢᤖ ᤔᤧᤕᤠᤰ॥ ᤂᤧᤴ ᤕᤠᤰᤑᤠᤗᤧᤴ ᤁᤢᤒᤣᤛᤠᤱ ᤕᤠᤰᤌᤢᤱ ᤛᤡᤰᤛᤠᤶᤒᤧᤸᤗᤧ ᤕᤠᤰᤌᤢᤱ ᤕᤠᤰᤌᤢᤱ ᤕᤠᤰᤑᤠ ᤆᤥᤃᤧᤖ ᤕᤠᤃᤧ॥ ᤂᤧᤴ ᤕᤠᤰᤌᤢᤱ ᤛᤡᤰᤛᤠᤶᤒᤧᤴ ᤀᤡᤋ᤻ᤇᤠᤵᤐᤠ ᤀᤠᤒᤠᤅᤣ ᤐᤥᤅ᤻॥ ᤂᤢᤏᤧ᤹ ᤀᤠᤒᤢ ᤕᤠᤰᤑᤠᤗᤠᤶ ᤔᤧᤓᤡᤁ᤻ᤐᤠ ᤔᤧᤜᤠᤐ᤻ᤐᤠ ᤀᤡᤰᤗᤠ ᤕᤠ ᤕᤈᤠᤪᤏ᤻ ᤂᤧᤵᤛᤢᤱᤀᤠᤱ ᤂᤧᤴ ᤕᤠᤰᤑᤠᤀᤜ ᤛᤠ᤹ᤛᤧ ᤐᤣᤁ᤻ᤔᤠ ᤏᤡᤱᤘᤠ᤹ ᤆᤥᤃᤢ॥ ᤁᤖ ᤂᤢᤏᤧ᤹ ᤕᤠᤏ᤻ᤍᤡᤰ ᤔᤧᤱᤄᤥ᤺ᤛᤢᤴᤏᤠᤱ ᤁᤡᤱᤏᤠ ᤔᤢᤰᤋᤧᤀᤠᤱ ᤀᤣᤃᤠᤱ ᤔᤢᤳᤗᤠᤔᤠ ᤛᤧᤏ᤻ᤇᤢᤅ᤻ᤛᤡᤳ ᤁᤠᤵᤛᤡᤴᤏᤠᤅ ᤗᤡᤓᤳ ᤂᤧᤴ ᤕᤠᤰᤑᤠᤛᤡᤃᤠᤱ ᤗᤠ᤺ᤛᤧ॥ ᤜᤡᤴᤈᤠ᤹-ᤐᤡᤳᤇᤢᤜᤠ᤹ᤖᤧ ᤂᤠᤛᤠᤵᤐᤡᤴ ᤔᤧᤎᤧᤁ᤻ᤂᤢᤀᤠᤱ ᤂᤠᤶᤒᤠᤱᤔᤥ ᤔᤧᤖᤢᤵᤛᤢᤒᤠ ᤏᤢ ᤛᤡᤰᤛᤠᤶᤒᤠ-ᤛᤡᤰᤛᤠᤶᤔᤠᤜᤠ᤹ᤖᤧ ᤂᤧᤴ ᤏᤡᤋ᤻ᤇᤠᤶᤛᤠᤜᤠ᤹ ᤇᤖᤡᤖᤧ ᤔᤧᤜᤡᤵᤋᤢᤒᤠ. ᤁᤢᤓᤠ ᤔᤧᤈᤢᤱᤄᤧᤖ ᤕᤠᤰᤑᤠᤏ᤻ᤏᤣ ᤔᤧᤖᤥᤁ᤻ᤂᤢᤒᤠ ᤏᤡ᤺ᤛᤢ॥ ᤕᤠᤶᤔᤥ ᤑᤢᤱᤛᤠᤔᤠ ᤛᤡᤰᤛᤠᤶᤔᤧᤴ ᤛᤠᤵᤋᤧᤴᤛᤠᤶᤍᤠᤱ ᤁᤢᤎᤠᤃᤣᤁ᤻ᤁᤡᤴ ᤛᤠᤶᤒᤴ ᤔᤧᤳᤇᤡᤴᤏᤠᤱ ᤕᤢᤅᤧᤖ ᤐᤳᤇᤧ॥ ᤛᤡᤰᤛᤠᤶᤒᤧᤸᤗᤧ ᤜᤢᤰᤁᤡᤸᤗᤧ ᤕᤠᤁ᤻ᤕᤠᤁ᤻ ᤛᤡᤰᤛᤠᤶᤔᤠᤀᤡᤴ ᤑᤥᤁ᤻ᤂᤢ॥ ᤏᤧᤵᤔᤠᤱ ᤔᤡᤰᤜᤠ᤹ ᤔᤡᤰᤘᤠ ᤀᤢᤵᤋᤢᤀᤠᤱ ᤐᤳᤇᤧ ᤕᤠᤶᤔᤥ ᤜᤐ᤻ᤛᤢᤛᤡᤒᤠ ᤘᤕᤧᤛᤡ॥ ᤁᤢᤅᤠᤖᤠ ᤀᤥᤔᤧᤵᤔᤧᤸᤗᤧ ᤜᤡᤱᤔᤴᤏᤥ ᤏᤡᤱᤛᤠᤱ ᤁᤧᤜᤥᤐ᤻ᤐᤠ ᤏᤡ᤺ᤎᤠ᤺ᤒᤧ॥ ᤜᤧᤰᤁᤠᤩᤱ ᤂᤧᤴ ᤕᤠᤰᤑᤠᤀᤥ ᤕᤠᤶᤔᤥ ᤕᤈᤠᤪᤏ᤻ ᤐᤥ᤺ᤖᤧᤖ ᤐᤣᤁ᤻॥

ᤜᤢ᤹ᤛᤡᤱ:-

᥇. ᤕᤠᤰᤌᤢᤱ ᤛᤡᤰᤛᤠᤶᤒᤠ ᤌᤣᤀᤠᤱ ᤔᤢᤳᤗᤠᤔᤠ ᤛᤧᤏ᤻ᤎᤢᤅ᤻ᤛᤡᤳ ᤁᤠᤵᤛᤡᤴᤏᤠᤱ ᤀᤠᤒᤢ ᤕᤠᤰᤑᤠᤀᤥ ᤗᤡᤓᤳ ᤗᤠ᤺ᤛᤧᤒᤣ᥅

᥈. ᤂᤧᤴ ᤕᤠᤰᤌᤢᤱ ᤛᤡᤰᤛᤠᤶᤒᤠ ᤜᤠᤋ᤻ ᤘᤕᤧᤒᤣ᥅

᥉. "...ᤁᤢᤅᤠᤖᤠ ᤜᤰᤘᤠᤗ᤻ᤗᤧ ᤜᤡᤱᤔᤴᤗᤠᤶ ᤔᤠᤅ᤻ᤛᤡᤶᤔᤠ ᤁᤥᤋ᤻ᤋᤢᤖ ᤐᤳᤇᤧᤒᤠ ᤛᤠᤖᤠᤱᤅᤠᤱ ᤏᤡ᤺ᤎᤠ᤺ᤒᤧ॥" ᤌᤣ ᤁᤢᤛᤡᤱ ᤁᤧᤏᤡᤋ᤻ᤋᤢᤒᤣ᥅ ᤀᤠᤒᤠᤅᤣ ᤛᤢᤳᤗᤠᤀᤥ ᤛᤠᤵᤋᤧ᤹॥

---

ᤌᤠ᤹ᤗᤠ ᤏᤧᤳᤇᤡ

ᤁᤧᤎᤢᤶᤒᤠ ᤛᤢᤳᤗᤠᤜᤠ᤹

ᤐᤠ᤺: father	ᤏᤡᤛᤠᤶ: education, knowledge
ᤔᤠ᤺: mother	ᤐᤡᤳᤇᤢ: girl
ᤀᤣᤔᤠ/ᤀᤣᤔᤧᤴ: daughter	ᤌᤠᤱᤛᤡᤱ: secondary
ᤋᤢᤶᤔᤠ: eldest	ᤏᤡᤛᤠᤶᤜᤡᤶ: school
ᤑᤥᤁ᤻ᤘᤠᤔᤠ: youngest	ᤗ᤺ᤔᤠ(ᤗᤠ᤺ᤔᤠ): to get through, overcome
ᤂᤢᤴᤇᤡ᤹: both of them	ᤛᤢᤕᤧᤶ: opportunity
ᤛᤠᤘᤠᤏ᤻: birth	ᤋᤱᤒᤣ: year
ᤐᤠᤱᤓᤣ᤹: village	ᤗᤱᤔᤧᤏ᤻ᤏᤣ: immediately, instantly
ᤌᤰᤛᤢ᤺ᤒᤠ: soldier, worrier	ᤛᤢᤰᤂᤡᤶ ᤕᤢᤰᤑᤥᤖᤧ ᤕᤠᤵᤔᤡ ᤗᤢᤶᤓᤣ ᤌᤥᤒᤥᤗᤰ: Human Resource Development Department
ᤗᤰ: department (here)	ᤛᤡᤰᤛᤠᤶᤔᤠ ᤕᤠᤔ᤻ᤒᤰ: teaching job
ᤛᤢᤒᤣᤍᤠᤖ᤻: subedar (a mid-level junior commissioned officer)	ᤁᤢᤕᤥᤍᤱ: her age
ᤋᤠᤰᤑᤠ: level, standard	ᤌᤥᤌᤠᤱᤛᤡᤱ: senior secondary
ᤔᤠᤅ᤻ᤄᤠ᤹: far away	ᤔᤡᤱ ᤗᤡᤁ᤻ᤂᤢ: got admission

ᤛᤡᤜᤢᤵ:-

ᤑᤢᤱᤛᤠᤔᤠᤀᤡᤴ ᤐᤠ᤺ ᤆᤥᤁ᤻ᤛᤡᤱ ᤏᤢ ᤔᤠ᤺ ᤔᤠᤖᤥᤋ᤻ᤋᤡᤛᤡᤖᤧᤴ ᤀᤣᤔᤠ ᤋᤢᤶᤔᤧᤴ ᤘᤕᤧ॥ ᤁᤢᤓᤥᤁ᤻ᤘᤠᤔᤠ ᤏᤢᤛᤠ᤹ᤔᤧᤴ ᤛᤢᤏᤢ ᤕᤠᤰᤌᤢᤱᤔᤠ ᤘᤕᤧ॥ ᤂᤢᤴᤇᤡ᤹ ᤀᤠᤒᤠᤅᤣ ᤐᤠᤱᤓᤣ᤹ᤀᤥ ᤛᤠᤘᤠᤏ᤻ᤇᤡᤴᤏᤠᤱ ᤘᤕᤧᤛᤡ॥ ᤂᤢᤏᤧ᤹ ᤁᤢᤶᤒᤠ᤺ ᤌᤰᤛᤢ᤺ᤒᤠ ᤗᤰᤁᤥ ᤛᤢᤒᤣᤍᤠᤖ᤻ ᤘᤕᤧᤒᤠᤗ᤻ᤗᤧ ᤁᤠᤗᤧᤒᤢᤱᤒᤠ ᤐᤡᤳᤇᤢ ᤌᤠᤱᤛᤡᤱ ᤏᤡᤛᤠᤶᤜᤡᤶᤗᤠᤶ ᤕᤠᤰᤑᤠ ᤌᤡᤒᤥᤅ᤻ᤍᤠᤁ᤻ ᤏᤡ᤺ᤖᤢ॥ ᤂᤧᤶᤓᤧᤸᤗᤧ ᤂᤢᤏᤧ᤹ ᤁᤢᤕᤥᤍᤱ ᥇᥏ (ᤌᤡᤰᤑᤠᤱ) ᤁᤧᤖᤧᤀᤠᤱ ᤘᤕᤧ॥ ᤂᤢᤏᤧ᤹ ᤕᤠᤰᤑᤠ ᤌᤡᤒᤥᤅ᤻ ᤏᤡ᤺ᤖᤢᤛᤢᤐ᤻ᤔᤠᤀᤣ ᤛᤢᤰᤂᤡᤶ ᤕᤢᤰᤑᤥᤖᤧᤴ ᤕᤠᤵᤔᤡ ᤗᤢᤶᤓᤣ ᤌᤥᤒᤥᤗᤰᤗᤠᤶ ᤛᤡᤰᤛᤠᤶᤔᤠ ᤕᤠᤔ᤻ᤒᤰ ᤂᤥ᤺ᤛᤢ॥ ᤁᤶᤓᤧᤸᤗᤧ ᤕᤠᤵᤔᤡ ᤗᤢᤶᤓᤣ ᤌᤥᤒᤥ ᤗᤰᤁᤡᤴ ᤏᤡᤛᤠᤶ ᤗᤰ ᤔᤧᤔᤧᤳᤋᤢ᤹॥ ᤜᤧᤰᤁᤠᤩᤱ ᤁᤢᤏᤢᤛᤠ᤹ᤔᤧᤴ ᤋᤱᤒᤣ ᥇᥋ (ᤌᤡᤰᤅᤠᤖᤰ ᤁᤧᤖᤧᤀᤡᤸᤗᤧ ᤐᤣᤗ᤻ᤗᤡᤱ ᤏᤡᤛᤠᤶᤜᤡᤶᤔᤥ ᤌᤥᤌᤠᤱᤛᤡᤱ ᤏᤡᤛᤠᤶᤖᤧᤴ ᤗᤠᤃᤡ ᤔᤡᤱ ᤗᤡᤁ᤻ᤂᤢᤐᤡᤖᤢ॥

ᤜᤢ᤹ᤛᤡᤱ:-

᥊. ᤑᤢᤱᤛᤠᤔᤠᤖᤧᤴ ᤐᤠ᤺. ᤔᤠ᤺ ᤏᤢ ᤑᤢᤁ᤻ᤘᤠᤔᤠ ᤏᤢᤛᤠ᤹ᤔᤠᤜᤠ᤹ᤖᤧᤴ ᤔᤡᤱ ᤛᤠᤵᤋᤧ᤹॥

᥋. ᤂᤢᤏᤧ᤹ ᤁᤢᤶᤒᤠ᤺ᤖᤧᤴ ᤌᤣ ᤕᤠᤔ᤻ᤒᤰ ᤆᤥᤃᤢ᥅ ᤀᤠᤳᤋᤡᤴ ᤋᤠᤰᤑᤠᤀᤥ ᤘᤕᤧ᥅

᥌. ᤂᤢᤏᤧ᤹ ᤀᤠᤳᤋᤡᤴ ᤏᤡᤛᤠᤶᤜᤡᤶᤗᤠᤶ ᤀᤠᤰᤂᤧᤴ ᤕᤠᤰᤑᤠᤍᤠᤁ᤻ ᤏᤡ᤺ᤖᤢ᥅

᥍. ᤂᤢᤏᤧ᤹ ᤏᤡ᤺ᤖᤢᤛᤢᤖᤢᤀᤠᤱ ᤀᤣᤃᤠᤱ ᤀᤠᤳᤋᤡᤗᤠᤶ ᤌᤣ ᤕᤠᤔ᤻ᤒᤰ ᤂᤥ᤺ᤛᤢᤒᤣ᥅

᥎. ᤛᤢᤏᤢᤖᤧ ᤀᤠᤰᤂᤧᤴ ᤋᤱᤒᤣ ᤁᤧᤖᤧᤒᤧᤸᤗᤧ ᤀᤠᤳᤋᤡᤴ ᤏᤡᤛᤠᤶᤜᤡᤶᤔᤥ ᤌᤥᤌᤠᤱᤛᤡᤱ ᤏᤡᤛᤠᤶᤖᤧ ᤗᤠᤃᤡ ᤔᤡᤱ ᤗᤡᤁ᤻ᤂᤢᤒᤣ᥅

᥏. ᤁᤶᤓᤧᤸᤗᤧ ᤕᤡᤵᤔᤡ ᤗᤢᤶᤓᤣ ᤌᤥᤒᤥᤗᤰᤁᤡᤴ ᤌᤣ ᤔᤧᤔᤧᤳᤋᤢ᤹ᤒᤣ᥅

---

ᤌᤠ᤹ᤗᤠ ᤛᤢᤶᤛᤡ

ᤁᤧᤎᤢᤶᤒᤠ ᤛᤢᤳᤗᤠᤜᤠ᤹

ᤔᤁᤐᤠᤗᤁᤔᤐ

ᤆᤶᤛᤡᤱ: Junior or Junior High	ᤋᤢᤔᤢᤛᤡᤀᤠᤱᤖᤰ: only by meeting
ᤕᤢᤱᤍᤱ: appointment	ᤑᤢ᤹ᤔᤠ: to settle down or decide something
ᤕᤖᤡᤰ: much, more	ᤛᤧᤴᤇᤧᤪᤱᤗᤠ: November
ᤔᤠᤅ᤻ᤄᤠ᤹: far away	ᤀᤡᤐ᤻ᤐᤠ: much more
ᤁᤢᤏᤡᤱᤘᤠ᤹: his mind	ᤋᤱᤒᤣ: year
ᤋᤠᤶᤍᤠᤶᤒᤠ: comfortable	ᤔᤣᤋ᤻ᤇᤠᤒᤠ ᤋᤡᤁ᤻ᤗᤠ: marriage possession
ᤁᤢᤀᤣᤔᤠ: his daughter	ᤛᤧᤶᤔᤢᤀᤡ: farewell, goodbye
ᤋᤢᤶᤔᤧᤴ: eldest	ᤋᤖᤣ-ᤂᤡᤖᤣ: guest (पाहुनापात)
ᤕᤢᤰᤑᤥ ᤕᤠᤔ᤻ᤒᤰ: Goverment Service/job	ᤛᤥ᤹ᤒᤢ: bond male friend (मित)
ᤀᤠᤖ: now	ᤛᤥ᤹ᤏᤠ: bond female friend (मितिनी)
ᤂᤧᤶᤛᤡᤱᤘᤠᤒᤠ: handsome	ᤀᤢᤐ᤻ᤔᤠᤛᤡᤀᤠᤱ: invited
ᤌᤠᤱᤒᤧᤴ: adolescent/young boy	ᤌᤡᤶ: custom, rite, rules and regulations
ᤔᤣᤁ᤻ᤂᤡᤶ: marriage	ᤜᤠᤱᤘᤠ-ᤔᤢᤀᤡ: blessings
ᤕᤠᤰᤌᤢᤱ ᤌᤡᤶ: limboo rite, rituals, social customs	ᤛᤡᤰᤁᤢᤶ ᤏᤡᤱᤘᤠ᤹: knowledge and wisdom
ᤛᤠᤰᤌᤡᤶᤔᤥ: culture	ᤋᤱᤔᤠ: to be alike, similar, match
ᤐᤠᤱᤗᤢᤔᤣ: son-in-law	ᤏᤧᤵᤔᤠᤱ: both of them, they two
ᤂᤥ᤺ᤔᤠ: to get something	ᤗᤳᤇᤠ: same
ᤛᤧᤵᤔᤠᤱ: dream	ᤋᤠᤖᤠᤵ: aim, goal, target
ᤀᤣᤍᤢᤶᤔᤧᤸᤗᤧ: eldest daugter	ᤋᤠᤕᤧᤶ: future
ᤀᤠᤒᤠᤅᤣ: by oneself	ᤀᤥᤋᤋ᤻ᤡᤘᤠᤒᤠ: bright

ᤛᤡᤜᤢᤵ:-

ᤑᤢᤱᤛᤠᤔᤠᤖᤧ ᤜᤡᤶᤔᤥᤏᤢ ᤔᤠᤅ᤻ᤄᤠ᤹ ᤐᤥᤁ᤻ᤂᤧᤛᤠᤱ ᤕᤢᤰᤑᤥ ᤕᤠᤔ᤻ᤒᤰ ᤏᤠᤶᤑᤠᤰ ᤆᤶᤛᤡᤱ ᤏᤡᤛᤠᤶᤜᤡᤶᤔᤥ ᤂᤥ᤺ᤛᤢ॥ ᤜᤧᤰᤁᤣᤃᤧᤗ ᤁᤢᤶᤒᤠ᤺ᤖᤧ ᤏᤡᤱᤘᤠ᤹ ᤋᤠᤶᤍᤠᤶᤒᤠ ᤐᤥᤁ᤻ᤂᤧᤀᤠᤱ ᤂᤢᤏᤧ᤹ᤏ᤻ ᤗᤳᤌᤡᤰ ᤂᤧᤶᤛᤡᤱᤘᤠᤒᤠ ᤕᤠᤰᤌᤢᤱ ᤌᤠᤱᤒᤧᤴᤛᤡᤳᤏᤢ ᤔᤣᤁ᤻ᤂᤡᤶ ᤆᤥᤁ᤻ᤔᤠ ᤏᤡᤱᤘᤠ᤹ ᤁᤳᤋᤢ॥ ᤂᤧᤴ ᤌᤠᤱᤒᤧᤴᤏᤡᤴ ᤕᤠᤰᤌᤢᤱ ᤌᤡᤶ. ᤛᤠᤰᤌᤡᤶᤔᤥ ᤏᤡᤱᤘᤠ᤹ ᤁᤧᤒᤡ᤹ᤒᤠ ᤕᤠᤰᤌᤢᤱᤒᤠᤀᤤ ᤐᤠᤱᤗᤢᤔᤣ᤹ ᤐᤥᤅ᤻ᤔᤠᤒᤥᤅ᤻ ᤁᤧᤖᤠ᤹ᤒᤠ ᤁᤢᤶᤒᤠ᤺ᤖᤧᤴ ᤛᤧᤵᤔᤠᤱ ᤛᤣᤁ᤻ᤛᤢᤀᤠᤱ ᤘᤕᤧ॥ ᤕᤠᤶᤔᤥ ᤑᤢᤱᤛᤠᤔᤠᤱ ᤀᤠᤒᤠᤅᤣ ᤁᤢᤛᤡᤖᤠ᤹ ᤌᤠᤅ᤻ᤒᤠ ᤌᤠᤱᤒᤧᤴ ᤋᤢᤔᤢᤛᤡᤀᤠᤱᤖᤰ ᤔᤣᤁ᤻ᤂᤡᤶᤗᤧᤴ ᤐᤠᤏ᤻ ᤑᤢ᤹ᤔᤠ ᤐᤡ᤹ᤔᤠ ᤏᤡᤱᤘᤠ᤹ ᤁᤳᤋᤢ॥ ᤜᤧᤰᤁᤠᤩᤱ ᤋᤱᤒᤣ ᤌᤡᤰᤐᤠ ᤛᤧᤴᤇᤧᤪᤱᤗᤠᤀᤥ ᤁᤢᤔᤣᤁ᤻ᤂᤡᤶᤔᤡᤴ ᤁᤣᤔᤢᤰᤗᤠ. ᤛᤠᤏᤧ ᤔᤢᤰᤗᤠ. ᤔᤣᤋ᤻ᤇᤠᤒᤠ ᤋᤡᤁ᤻ᤗᤠᤏᤢ ᤛᤧᤶᤔᤢᤀᤡ ᤐᤡ᤹ᤔᤧᤸᤗᤧ ᤋᤖᤣ-ᤂᤡᤖᤣ. ᤛᤥ᤹ᤒᤢ-ᤛᤥ᤹ᤏᤠᤜᤠ᤹ ᤀᤢᤐ᤻ᤔᤠᤛᤡᤀᤠᤱ ᤕᤠᤰᤌᤢᤱᤒᤠ ᤌᤡᤶᤀᤡᤛᤡᤁ᤻ ᤜᤠᤱᤘᤠ-ᤔᤢᤀᤡ ᤐᤡ᤹ᤔᤠᤍᤣ᤺ ᤕᤶᤒᤠ ᤏᤡᤱᤘᤠ᤹ ᤁᤳᤋᤢ॥ ᤏᤧᤵᤔᤠᤱ ᤁᤢᤶᤒᤠ᤺-ᤁᤢᤶᤔᤠ᤺ᤛᤡᤖᤧᤴ ᤗᤳᤇᤠ ᤋᤠᤖᤠᤵ ᤕᤢᤰᤂᤢᤛᤡ ᤂᤧᤴ ᤀᤣᤔᤠᤜᤠ᤹ᤖᤧᤴ ᤋᤠᤕᤧᤶᤔᤡᤴ ᤏᤢ᤺ᤔᤠ ᤀᤥᤋ᤻ᤋᤡᤘᤠᤒᤠ ᤐᤥᤅ᤻ᤓᤠᤱ ᤏᤡᤱᤘᤠ᤹ ᤘᤕᤧᤛᤡ॥

ᤜᤢ᤹ᤛᤡᤱ:-

᥇᥆. ᤑᤢᤱᤛᤠᤔᤠᤖᤧ ᤛᤡᤰᤛᤠᤶᤔᤠ ᤕᤠᤔ᤻ᤒᤰ ᤀᤠᤳᤋᤡᤴ ᤏᤡᤛᤠᤶᤜᤡᤶᤔᤥ ᤂᤥ᤺ᤛᤢᤒᤣ᥅

᥇᥇. ᤆᤥᤁ᤻ᤛᤡᤱᤗᤧ ᤀᤠᤒᤠᤅᤣ ᤀᤣᤛᤠᤔᤧᤴᤖᤧ ᤗᤠᤃᤡ ᤀᤠᤰᤁᤣᤒᤠ ᤐᤠᤱᤗᤢᤔᤣ᤹ ᤂᤥ᤺ᤔᤠ ᤛᤧᤵᤔᤠᤱ ᤛᤣᤐ᤻ᤛᤢᤀᤠᤱ ᤘᤕᤧ ᤁᤖ ᤌᤣᤀᤠᤱ ᤔᤣᤁ᤻ᤂᤡᤶᤗᤧᤴ ᤐᤠᤏ᤻ ᤁᤢᤛᤠᤔᤧᤴ ᤔᤧᤔᤧᤳᤋᤢᤴᤒᤣ᥅

᥇᥈. ᤆᤥᤁ᤻ᤛᤡᤱᤖᤧ ᤑᤢᤱᤛᤠᤔᤠᤖᤧᤴ ᤔᤣᤁ᤻ᤂᤡᤶᤔᤡᤴ  ᤀᤠᤰᤁᤣᤖᤡᤰ ᤆᤥᤁ᤻ᤔᤠ ᤏᤡᤱᤘᤠ᤹ ᤁᤳᤋᤢᤒᤣ᥅

᥇᥋. "ᤀᤣᤔᤠᤜᤠ᤹ᤖᤧ ᤋᤠᤕᤧᤶᤔᤡᤴ ᤀᤥᤋ᤻ᤋᤡᤘᤠᤒᤠ ᤐᤥᤅ᤻ᤗ ᤘᤣ᤹ ᤌᤣᤀᤠᤱ ᤜᤥᤐ᤻...॥ ᤁᤴ ᤐᤧᤴᤇᤡᤱᤛᤠᤶᤍᤠᤱ ᤁᤧᤏᤡᤱᤘᤠ᤹ ᤜᤰᤋᤧᤛᤧ᤹᥅

---

ᤌᤠ᤹ᤗᤠ ᤗᤡᤛᤡ

ᤁᤧᤎᤢᤶᤒᤠ ᤛᤢᤳᤗᤠᤜᤠ᤹

ᤏᤡᤋ᤻ᤇᤠᤶᤀᤣᤔᤠ: girl student	ᤘᤛᤣ᤹: lip
ᤏᤡᤋ᤻ᤇᤠᤶᤛᤠᤜᤠ᤹: students	ᤕᤠᤰᤂᤥ: pumpkin
ᤜᤧᤴᤎᤡᤶ: dicipline	ᤜᤧᤰᤁᤣ: like
ᤛᤢᤶᤒᤥᤏ᤻: good manner	ᤜᤧᤒᤥ᤹: tooth
ᤜᤢ᤹ᤔᤠ: to teach, to train	ᤁᤣᤔ᤻ᤔᤠ: tall (female) in height
ᤆᤥᤁ᤻ᤛᤡᤶᤔᤠ: to make up	ᤋᤠᤱᤔᤠ: short (female) in height
ᤆᤥ᤹ᤛᤡᤶᤔᤠ: to flatter, to encourage	ᤐᤰᤏᤧ᤹ᤏᤧ᤹ᤔᤠ: fleshy, fat
ᤆᤥᤁ᤻ᤗᤠᤒᤠ: artificial, unnatural	ᤕᤧᤅ᤻ᤄᤡᤁ᤻ᤂᤡᤁ᤻ᤔᤠ: leanness, thinness or skinny
ᤂᤧᤶᤛᤡᤱ: beauty	ᤁᤧᤄᤧᤶᤛᤡᤱᤖᤧ ᤏᤠᤏ᤻ᤒᤥ: beauty contest
ᤁᤢᤛᤡᤖᤠ᤹ ᤔᤧᤎᤠᤅᤧᤴ: does not like	ᤛᤠᤱᤗ᤺ᤔᤠ: to be successful
ᤀᤶᤓᤠ: in vain, for nothing	ᤁᤶᤓᤠ᤹ᤖᤡᤰ: this much, this time
ᤘᤠᤏᤧᤶᤔᤠ/ᤘᤠᤏᤠᤶ: situtation, condition	ᤗᤠ᤺ᤒᤠ: month
ᤏᤡᤱᤘᤠ᤹ᤑᤢᤔᤧᤸᤗᤧ: God	ᤐᤧᤏᤡᤒᤠ: Chetti-Bahun
ᤕᤠᤱᤏᤡᤔ᤻ᤘᤠ: natural	ᤌᤡᤰᤛᤡᤃᤣᤁ᤻ᤐᤠ: first time
ᤁᤣᤔ᤻ᤔᤠ ᤌᤠᤁ᤻ᤀᤡ: long hair	ᤋᤢᤶᤔᤢᤀᤡᤀᤥᤀᤣ: in the meeting
ᤂᤥᤋ᤻ᤋᤢ ᤑᤕᤢᤒᤠ᤺: to comb and braid hair	ᤅᤠᤖᤠᤕᤧᤶᤖᤧ ᤏᤠᤀᤢᤅ᤻: attracted face
ᤜᤧᤋ᤻ᤕᤱᤕᤱᤒᤠ: reddish complexion	ᤛᤡᤛᤠᤃᤧᤴ ᤔᤧᤴᤇᤡᤴ: young girl
ᤆᤠᤏ᤻: colour	ᤛᤠᤰᤁᤣ:really, truly
ᤁᤠᤰᤁᤠᤪᤰᤗᤥᤁ᤻ᤐᤠ: round, circular, spherical	ᤁᤖ: but
ᤅᤠᤖᤠ: face	ᤔᤧᤶᤒᤠᤐ᤻ᤔᤠᤏᤠ: uncomfortable to speak or not able to speak
ᤐᤧᤅ᤻ᤔᤡᤰᤔᤠ: eyes like the eyes of deer	ᤐᤠ᤺-ᤔᤠ᤺: parent, father-mother
ᤌᤥᤁ᤻ᤑᤧᤳᤗᤠ: rhododendron	ᤀᤡᤱᤈᤠᤶᤃᤧᤶᤔᤠ: obedient, sincere, faithfull
ᤜᤧᤰᤁᤣᤒᤠ: similarly, in the same way	ᤜᤧᤏᤠ ᤙᤥᤎᤢᤱ: respect

ᤛᤡᤜᤢᤵ:-

ᤑᤢᤱᤛᤠᤔᤠᤖᤧ ᤏᤡᤋ᤻ᤇᤠᤶᤛᤠᤜᤠ᤹ ᤜᤧᤴᤎᤡᤶ ᤏᤢ ᤛᤢᤶᤒᤥᤏ᤻ ᤜᤢ᤹ᤔᤠᤛᤡ ᤘᤕᤧᤒᤠᤗ᤻ᤗᤧ ᤂᤢᤏᤧ᤹ ᤏᤡᤋ᤻ᤇᤠᤶᤀᤣᤔᤠ ᤘᤕᤧᤒᤠ ᤆᤥᤁ᤻ᤛᤡᤶᤔᤠ. ᤆᤥ᤹ᤛᤡᤶᤔᤠ ᤏᤢ ᤆᤥᤁ᤻ᤗᤠᤒᤠ ᤂᤧᤶᤛᤡᤱᤅᤥ ᤘᤠ᤹ᤔᤠ ᤁᤢᤛᤡᤖᤠ᤹ ᤔᤧᤎᤠᤅᤧᤴ॥ ᤂᤠᤛᤠᤱ ᤁᤢᤅᤠᤖᤠᤀᤥ ᤌᤣᤛᤠᤱ ᤔᤧᤱᤃᤣᤳᤋᤧ ᤔᤧᤈᤜᤁ᤻ᤛᤡᤴᤏᤣ ᤘᤣ᤹ᤏᤢᤗ᤻ᤗᤧ ᤌᤠᤅ᤻ᤎᤠᤰᤁᤣ ᤏᤥ᤺ᤔᤠ ᤘᤕᤧ॥ ᤂᤢᤏᤧ᤹ ᤁᤠᤈᤸ. ᤗᤡᤵᤐᤡᤛ᤻ᤋᤡᤰ. ᤏᤧᤗ᤻ ᤐᤗᤡᤛ᤻ ᤏᤢ ᤘᤣ᤹ ᤌᤣᤛᤠᤱ ᤀᤥᤃᤵ ᤔᤧᤈᤥᤃᤧᤴᤏᤣ ᤕᤠᤱᤏᤡᤔ᤻ᤘᤠ ᤂᤧᤶᤛᤡᤱᤔᤠ ᤘᤕᤧ॥ ᤕᤠᤶᤔᤥ ᤂᤢᤏᤧ᤹ᤃ ᤛᤠᤖᤡᤰ ᤁᤣᤔ᤻ᤔᤠᤀᤠᤱ ᤔᤧᤏ᤻ ᤕᤠᤶᤔᤥ ᤋᤠᤱᤔᤠᤀᤠᤱ ᤔᤧᤏ᤻. ᤜᤧᤋ᤻ᤕᤱᤕᤱᤒᤠ ᤏᤢ ᤁᤠᤰᤁᤠᤪᤰᤗᤥᤁ᤻ᤐᤠ ᤅᤠᤖᤠ. ᤐᤧᤅ᤻ᤘᤠᤔᤡᤰᤔᤠ. ᤌᤥᤁ᤻ᤑᤧᤳᤗᤠ ᤜᤧᤰᤁᤣ ᤘᤛᤣ᤹. ᤁᤧᤍᤱᤒᤠ ᤜᤧᤒᤥ᤹ ᤏᤢ ᤛᤡᤶ ᤆᤥᤁ᤻ᤂᤢᤀᤠᤱ ᤁᤧᤄᤧᤶᤛᤡᤱᤖᤧ ᤏᤠᤏ᤻ᤒᤥᤀᤠᤱ ᤕᤢᤱᤔᤧᤸᤗᤧ ᤛᤠᤱᤗ᤺ᤔᤠ ᤁᤧᤛᤢᤵᤔᤠ ᤘᤕᤧ॥ ᤁᤢᤶᤓᤠ᤹ᤖᤡᤰ ᤏᤠᤶᤑᤠᤰ ᤏᤡᤛᤠᤶᤜᤡᤶᤔᤥ ᤛᤡᤰᤛᤠᤶᤔᤠ ᤆᤥᤃᤢᤒᤧᤴᤏᤠᤱ ᤗᤠᤒᤠ ᤋᤢᤰᤛᤡ-ᤏᤢᤛᤡ ᤀᤣᤃᤠᤱ ᤀᤠᤷᤌᤠᤱᤗᤠᤶ ᤓᤢᤘᤠᤏᤡ ᤛᤖ᤻ᤛᤡᤳ ᤂᤧᤵᤔᤥ ᤋᤧᤩᤀᤠᤱ ᤘᤕᤧ॥ ᤕᤠᤶᤔᤥ ᤂᤧᤴ ᤛᤡᤰᤛᤠᤶᤒᤧᤴ ᤑᤢᤱᤛᤠᤔᤠ ᤛᤡᤰᤛᤠᤶᤔᤠᤀᤡᤴ ᤌᤡᤰᤃᤡᤃᤣᤁ᤻ᤐᤠ ᤋᤢᤔᤢᤀᤡᤸᤗᤧ ᤛᤡᤖᤠ᤹ᤌᤠᤅᤧ॥ ᤁᤖ ᤑᤢᤱᤛᤠᤔᤠ ᤛᤡᤰᤛᤠᤶᤔᤧᤴ ᤐᤠ᤺-ᤔᤠ᤺ᤛᤡᤖᤧᤴ ᤀᤡᤱᤈᤠᤱᤃᤧᤶᤔᤠ ᤏᤢ ᤜᤧᤏᤠ ᤙᤥᤎᤢᤱ ᤁᤧᤃᤵᤔᤠ ᤀᤣᤛᤠᤔᤧᤴ ᤘᤕᤧ॥

ᤜᤢ᤹ᤛᤡᤱ:-

᥇᥌. ᤑᤢᤱᤛᤠᤔᤠᤖᤧ ᤀᤠᤰᤁᤣᤒᤠ ᤁᤢᤛᤢᤳᤏᤠᤀᤡᤴ ᤛᤡᤖᤠ᤹ᤔᤧᤎᤠᤅ᤻ᤏᤧᤶᤒᤣ᥅

᥇᥍. ᤑᤢᤱᤛᤠᤔᤠ ᤀᤠᤰᤁᤣᤒᤠ ᤘᤕᤧ᥅ ᤌᤥᤐᤧᤳᤋᤠᤱ ᤐᤥᤎᤰᤋᤧ᤹॥

᥇᥎. ᤓᤢᤘᤏᤡ ᤛᤖ᤻ ᤀᤠᤳᤋᤡᤗᤠᤶ ᤛᤡᤰᤛᤠᤶᤒᤠ ᤐᤥᤁ᤻ᤂᤧᤏᤢ ᤂᤧᤴ ᤏᤠᤶᤑᤠᤰ ᤏᤡᤛᤠᤶᤜᤡᤶᤔᤥ ᤋᤧᤩᤒᤣ᥅

᥇᥏. ᤑᤢᤱᤛᤠᤔᤠ ᤐᤠ᤺-ᤔᤠ᤺ᤛᤡᤖᤧᤴ ᤀᤠᤰᤁᤣᤍᤱᤒᤠ ᤀᤣᤛᤠᤔᤧᤴ ᤘᤕᤧ᥅

ᤁᤧᤕᤁ᤻ᤐᤠ ᤗᤰᤜᤠ᤹ ᤆᤠᤸᤗᤡᤰᤁᤣ ᤌᤢᤵᤐᤧᤳ ᤐᤥᤅ᤻ ᤐ᤹॥